ຢູແກຼນ ກະຕຸກຊຸກຍູ້ບັນດາປະເທດພັນທະມິດ ສະໜອງອາວຸດເພີ່ມເຕີມ
(VOVWORLD) - ວັນທີ 06 ກັນຍາ, ທ່ານປະທານາທິບໍດີ ຢູແກຼນ, Volodymyr Zelensky ໄດ້ຮຽກຮ້້ອງໃຫ້ບັນດາປະເທດພັນທະມິດຝ່າຍຕາເວັນຕົກສະໜອງອາວຸດເພີ່ມເຕີມ ພ້ອມທັງຍົກເລີກຂໍ້ກຳນົດ Kiev ນຳໃຊ້ອາວຸດນຳວິຖີໄລຍະໄກໃນການປະທະກັນກັບ ລັດເຊຍ.
 ທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin (ເບື້ອງຊ້າຍ) ແລະ ທ່ານປະທານາທິບໍດີ ຢູແກຼນ Volodymyr Zelensky (ພາບ: Getty Images) |
ທ່ານປະທານາທິບໍດີ Zelensky ໄດ້ຍົກອອກຄຳຮຽກຮ້ອງດັ່ງກ່າວ ໃນກອງປະຊຸມຂອງກຸ່ມຕິດຕໍ່ດ້ານປ້ອງກັນຊາດ ຢູແກຼນ, ລວມທັງປະມານ 50 ປະເທດ, ຢູ່ຖານທີ່ໝັ້ນປ້ອງກັນອາກາດ Ramstein ຂອງ ອາເມລິກາ ຢູ່ ເຢຍລະມັນ. ນີ້ແມ່ນຄັ້ງທຳອິດທີ່ທ່ານ Zelensky ເຂົ້າຮ່ວມກອງປະຊຸມດັ່ງກ່າວ.
ໃນວັນດຽວກັນ, ເມື່ອກ່າວຄຳເຫັນຕໍ່ວົງການນັກຂ່າວຢູ່ນອກກອງປະຊຸມ, ທ່ານລັດຖະມົນຕີກະຊວງປ້ອງກັນປະເທດ ເຢຍລະມັນ Boris Pistorius ໃຫ້ຮູ້ວ່າ ເຢຍລະມັນ ຈະສະໜອງອາວຸດໃຫ້ແກ່ຢູແກຼນ ຕື່ມອີກ.