ລັດຖະບານປະກາດໃຊ້ມະຕິວາລະປະຊຸມປະຈຳເດືອນ 6 ຂອງລັດຖະບານ
ພາບປະກອບ
(vovworld) – ໃນ 6 ເດືອນທ້າຍປີ, ລັດຖະບານໄດ້ວາງໜ້າທີ່ຈຸດສຸມໃນການຊີ້ນຳ, ບໍລິຫານແມ່ນ ສຸມໃສ່ແກ້ໄຂຄວາມຫຍຸ້ງຍາກ, ຊຸກຍູ້ການຜະລິດດຳເນີນທຸລະກິດໃຫ້ພັດທະນາ, ພ້ອມທັງສືບຕໍ່ປະຕິບັດແຜນນະໂຍບາຍຄວບຄຸມໄພເງິນເຟີ້, ຮັບປະກັນເສດຖະກິດມະຫາພາກເປັນປົກກະຕິຢ່າງສະເໝີຕົ້ນສະເໝີປາຍ ເພື່ອສ້າງພື້ນຖານໃຫ້ແກ່ການພັດທະນາແບບຍືນຍົງ, ປະຕິບັດການສ້າງໂຄງປະກອບພື້ນຖານເສດຖະກິດຄືນໃໝ່ຕາມທິດຍົກສູງຄຸນນະພາບ, ປະສິດທິຜົນ ແລະ ຄວາມສາມາດໃນການແກ່ງແຍ້ງ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຮັບປະກັບຊີວິດສັງຄົມເທື່ອລະກ້າວ. ນີ້ແມ່ນເນື້ອໃນຂອງມະຕິວາລະປະຊຸມປະຈຳເດືອນ 6 ຂອງລັດຖະບານ ໂດຍລັດຖະບານປະກາດໃຊ້ໃນວັນທີ 9/7. ມະຕິໄດ້ຊີ້ແຈ້ງວ່າ: ໃນ 6 ເດືອນທ້າຍປີ, ລັດຖະບານຮຽກຮ້ອງໃຫ້ບັນດາກະຊວງ, ອົງການ, ທ້ອງຖິ່ນ ປະຕິບັດຢ່າງຂຽວຂາດ, ຄົບຊຸດກ່ຽວກັບບັນດາມາດຕະການທີ່ວາງອອກໃນມະຕິເລກທີ 01 ກ່ຽວກັບບັນດາມາດຕະການຕົ້ນຕໍ ຊີ້ນຳບໍລິຫານການປະຕິບັດແຜນການພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດ, ມະຕິເລກທີ 13 ຂອງລັດຖະບານ ກ່ຽວກັບບາງມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດ, ໜູນຊ່ວຍຕະຫຼາດ, ບັນດາມະຕິວາລະປະຊຸມປະຈຳເດືອນຂອງລັດຖະບານ ແລະ ບັນດາເອກະສານຊີ້ນຳ, ບໍລິຫານຂອງລັດຖະບານ ແລະ ນາຍົກລັດຖະມົນຕີ.