ລັດຖະມົນຕີກະຊວງປ້ອງກັນປະເທດ ອາເມລິກາຢ້ຽມຢາມ ຫວຽດນາມຢ່າງເປັນທາງການ
(VOVWORLD) -ໂດຍໄດ້ຮັບຄຳເຊື້ອເຊີນຂອງທ່ານພົນເອກໂງຊວັນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ, ທ່ານ Mark Esper, ລັດຖະມົນຕີກະຊວງປ້ອງກັນປະເທດ ອາເມລິກາ ໄດ້ມາຢ້ຽມຢາມ ຫວຽດນາມຢ່າງເປັນທາງການໃນລະຫວ່າງວັນທີ 19 – 22 ພະຈິກ, ເພື່ອແນໃສ່ເພີ່ມທະວີການພົວພັນມິດຕະພາບ, ຄວາມໄວ້ເນື້ອເຊື່ອໃຈລະຫວ່າງກອງທັບ ແລະ ປະຊາຊົນສອງປະເທດ ຫວຽດນາມ - ອາເມລິກາ.
|
 ທ່ານພົນເອກໂງຊວັນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ, ທ່ານ Mark Esper, ລັດຖະມົນຕີກະຊວງປ້ອງກັນປະເທດ ອາເມລິກາ ໃນການ ເຈລະຈາ ລະຫວ່າງ ຫວຽດນາມ ແລະ ອາເມລິກາ
(ພາບ: TTXVN)
|
ທີ່ການ ເຈລະຈາ ເຊິ່ງໄດ້ດຳເນີນໃນວັນທີ 20 ພະຈິກ, ລັດຖະມົນຕີສອງທ່ານໄດ້ແລກປ່ຽນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ເນັ້ນໜັກເຖິງຄວາມສຳຄັນຂອງການປົກປັກຮັກສາ ສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອພັດທະນາ, ເຫັນດີເປັນເອກະພາບສືບຕໍ່ຍູ້ແຮງບັນດາເນື້ອໃນການຮ່ວມມືທີ່ໄດ້ກຳນົດໃນບົດບັນທຶກຊ່ວຍຈຳວ່າດ້ວຍການຊຸກຍູ້ການຮ່ວມມືດ້ານປ້ອງກັນຊາດທີ່ໄດ້ຮັບການລົງນາມໃນປີ 2011, ຖະແຫຼງການວິໄສທັດຮ່ວມກ່ຽວກັບການພົວພັນດ້ານປ້ອງກັນປະເທດທີ່ໄດ້ຮັບການລົງນາມໃນປີ 2015 ແລະ ແຜນການຮ່ວມມືໄລຍະ 2018 – 2020.