ລັດຖະມົນຕີກະຊວງປ້ອງກັນປະເທດ El- Sisi ຈະອອກສະໝັກເລືອກຕັ້ງເປັນປະທານາທິບໍດີ ອີຢິບ
ນາຍພົນ El- Sisi ລັດຖະມົນຕີກະຊວງປ້ອງກັນປະເທດອີຢິບ
|
(vovworld)- ວັນທີ 11/1, ນາຍພົນ El- Sisi ລັດຖະມົນຕີກະຊວງປ້ອງກັນປະເທດອີຢິບໃຫ້ຮູ້ວ່າ ທ່ານຈະພິຈາລະນາກ່ຽວກັບການສະໝັກເລືອກຕັ້ງເປັນ ປະທານາທິບໍດີໃນການເລືອກຕັ້ງທີ່ຈະມາເຖິງ ຖ້າຫາກວ່າ ນັ້ນແມ່ນຄວາມຮຽກຮ້ອງຕ້ອງການຂອງປະຊາຊົນ. ກ່າວເຫັນທາງໂທລະພາບແຫ່ງຊາດ, ນາຍພົນ El- Sisi ລັດຖະມົນຕີກະຊວງປ້ອງກັນປະເທດອີຢິບຮຽກຮ້ອງໃຫ້ ຊາວອີຢິບ ຈົ່ງປະຕິບັດພັນທະແຫ່ງຊາດດ້ວຍການເຂົ້າຮ່ວມການປ່ອນບັດໃນການລົງປະຊາມະຕິກ່ຽວກັບຮ່າງລັດຖະທຳມະນູນສະບັບປັບປຸງຊຶ່ງຄາດວ່າຈະດຳເນີນໃນວັນທີ 14-15/1 ທີ່ຈະມາເຖິງ. ນາຍພົນ El- Sisi ລັດຖະມົນຕີກະຊວງປ້ອງກັນປະເທດອີຢິບ ຖືວ່າ ອີຢິບພວມຢືນຢູ່ຕໍ່ໜ້າ ບາດລ້ຽວປະຫວັດສາດ ແລະ ປະຕິບັດບັນດາບາດກ້າວເດີນທຳອິດໃນວິວັດທະນາການຂ້າມຜ່ານການເມືອງພາຍຫຼັງການປະຕິວັດ 2 ຄັ້ງ.