ສຳນັກງານກະຊວງການຕ່າງປະເທດ ລັດເຊຍ (ພາບ:AFP/TTXVN)

ວັນທີ 30 ເມສາ, ກະຊວງການຕ່າງປະເທດ ລັດເຊຍ ໃຫ້ຮູ້ວ່າ: ຝ່າຍ ລັດເຊຍ ໄດ້ຮັບປະກັນການເຄື່ອນໄຫວມີປະສິດທິຜົນຂອງ ສະພາຄວາມໝັ້ນຄົງ ສປຊ ໂດຍບໍ່ຫົວຊາຕໍ່ສະພາບການພວມຮ້ອນຂຶ້ນ ຍ້ອນບັນດາຄວາມມານະພະຍາຍາມຂອງບັນດາຄະນະປະຕິບັດງານຝ່າຍຕາເວັນຕົກ. ຖະແຫຼງການດັ່ງກ່າວໄດ້ຍົກອອກມາພາຍຫຼັງ ລັດເຊຍ ສິ້ນສຸດບົດບາດປະທານສະພານີ້ໃນວັນທີ 30 ເມສາ.

        ໃນເດືອນ ເມສາ ຜ່ານມາ, ລັດເຊຍ ໄດ້ດຳລົງຕຳແໜ່ງເປັນປະທານສະພາຄວາມໝັ້ນຄົງ ສປຊ, ເຊິ່ງເປັນຕຳແໜ່ງໝູນວຽນປະຈຳເດືອນຂອງ 15 ປະເທດສະມາຊິກ ສະພາຄວາມໝັ້ນຄົງ ສປຊ. ວັນທີ 24 ເມສາ, ທ່ານ Sergey Lavrov, ລັດຖະມົນຕີການຕ່າງປະເທດ ລັດເຊຍ ໄດ້ເປັນປະທານກອງປະຊຸມຂອງ ສະພາຄວາມໝັ້ນຄົງ ສປຊ  ກ່ຽວກັບ “ລັດທິຫຼາຍຝ່າຍມີປະສິດທິຜົນ”. ທ່ານ Sergey Lavrov ກໍ່ໄດ້ເປັນປະທານການປຶກສາຫາລືຂອງ ສະພາຄວາມໝັ້ນຄົງ ສປຊ ກ່ຽວກັບຕາເວັນອອກກາງໃນວັນທີ 25 ເມສາ. ທ່ານ Dmitry Polyansky, ຮອງຜູ້ຕາງໜ້າປະຈຳທີໜຶ່ງ ຂອງລັດເຊຍ ປະຈຳ ສປຊ ກໍ່ປະກາດວ່າ, ບໍ່ຄືກັບບັນດາປະເທດຝ່າຍຕາເວັນຕົກ, ລັດເຊຍ “ເຄື່ອນໄຫວແບບມີຍຸຕິທຳບົນເວທີສາກົນ ແລະ ບໍ່ຍົກສູງມາດຖານຄູ່”, ພ້ອມທັງຢັ້ງຢືນວ່າບັນດາຄວາມມານະພະຍາຍາມຍູ້ຍົງສົ່ງເສີມ ລັດເຊຍ ຈະປະລາໄຊຢ່າງແນ່ນອນ.