(vovworld) - ທ່ານ Mikhail Yurievich Galuzin, ນັກການທູດອາວຸໂສຂອງສະຫະພັນລັດເຂຍ ຫາກໍ່ໄດ້ຮັບແຕ່ງຕັ້ງເປັນເອກອັກຄະລັດຖະທູດຄົນໃໝ່ຂອງລັດເຊຍ ປະຈຳ ອີນໂດເນເຊຍ ແລະ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຖາວອນຂອງລັດເຊຍ ປະຈຳອາຊຽນ. ນີ້ແມ່ນເນື້ອໃນເຊິ່ງສະຖານທູດສະຫະພັນລັດເຊຍ ປະຈຳອິນໂດເນເຊຍ ຍົກອອກມາໃນແຈ້ງການສື່ມວນຊົນຫວ່າງແລ້ວນີ້, ທ່ານ Galuzin ອາຍຸ 52 ປີ, ໄດ້ເຂົ້າຮ່ວມຂະແໜງການທູດແຕ່ປີ 1983 ມາຮອດປະຈຸບັນ, ເຄີຍເຮັດວຽກຢູ່ສະຖານທູດ ສ.ສະຫະພັນລັດເຊຍ ປະຈຳຍີ່ປຸ່ນ. ທ່ານ Galuzin ເຄີຍດຳລົງຕຳແໜ່ງເປັນຫົວໜ້າກົມອາຊີ 3, ສັງກັດກະຊວງການຕ່າງປະເທດລັດເຊຍ ແຕ່ປີ 2010, ຮັບຜິດຊອບກ່ຽວກັບການພົວພັນຮ່ວມມືສອງຝ່າຍ ກັບບັນດາປະເທດອາຊີຕາເວັນອອກສຽງໃຕ້. ທ່ານ Galuzin ຈະຢືນສານຕາຕັ້ງຕໍ່ທ່ານປະທານາທິບໍດີອິນໂດເນເຊຍ ແລະ ສານມອບໝາຍໜ້າທີຕໍ່ເລຂາທິການໃຫຍ່ອາຊຽນ ໃນໄລຍະຈະມາເຖິງໂດຍໄວ.