ວັນທີ 12 ເມສາ, ກະຊວງການຕ່າງປະເທດລັດເຊຍ ໄດ້ປະກາດວ່າ ພາລະກອນການທູດຄົນໜຶ່ງຂອງ ສະໂລວາກີ ປະຈຳ ມົດສະກູ ແມ່ນ “ບຸກຄົນບໍ່ໄດ້ຮັບການຕ້ອນຮັບ”. ການກະທຳນີ້ແມ່ນເພື່ອແນໃສ່ໂຕ້ຕອບເລື່ອງ ສະໂລວາກີ ເນລະເທດນັກການທູດຄົນໜຶ່ງຂອງລັດເຊຍ.

      ແຈ້ງການໃຫ້ຮູ້ວ່າ, ຕອນເຊົ້າວັນທີ 12 ເມສາ, ກະຊວງການຕ່າງປະເທດ ລັດເຊຍ ໄດ້ຮຽກຕົວທ່ານ Darja Bavdaz Kuret, ເອກອັກຄະລັດຖະທູດ ສະໂລວາກີ ປະຈຳ ມົດສະກູ ເພື່ອສະແດງການຄັດຄ້ານຢ່າງແຮງສຳລັບການເນລະເທດພະລາກອນສະຖານທູດ ລັດເຊຍ ປະຈຳ ສະໂລວາກີ ຄົນໜຶ່ງໂດຍບໍ່ມີຫຼັກຖານ. ແຈ້ງການເນັ້ນໜັກວ່າ: ລັດເຊຍ ພິຈາລະນາເລື່ອງ ສະໂລວາກີ ເນລະເທດ ພາລະກອນສະຖານທູດລັດເຊຍ ແມ່ນບາດກ້າວບໍ່ເປັນມິດ, ສົ່ງຜົນກະທົບບໍ່ດີເຖິງການພົວພັນລະຫວ່າງສອງປະເທດ, ພ້ອມທັງຢັ້ງຢືນວ່າ ສະໂລວາກີ ຕ້ອງຮັບຜິດຊອບກ່ຽວກັບຜົນຮ້າຍຢ້ອນຫຼັງຂອງຄຳຕັດສິນນີ້.