ພາບປະກອບ:/ndh.vn
|
(vovworld)- ວັນທີ 4/5, ຄະນະກຳມະການວິທະຍາສາດ ແລະເຕັກໂນໂລຊີ ອາຊຽນ ແລະ ຄະນະຜູ້ຕາງຫນ້າ ອາເມລິກາ ປະຈຳ ອາຊຽນ ໄດ້ປະກາດໝວດທຶນສຶກສາທີ່ສອງ ສະຫງວນໃຫ້ແກ່ບັນດານັກວິທະຍາສາດ ອາຊຽນ ເພື່ອຍູ້ແຮງການນຳບັນດາຂໍ້ ຕົກລົງບັນດານະໂຍບາຍ ອີງໃສ່ຫລັກຖານດ້ານວິທະຍາສາດ ເພື່ອແກ້ໄຂບາງບັນຫາພັດທະນາເຕັມໄປດ້ວຍສິ່ງທ້າທາຍໃນພາກພື້ນ. ແຈ້ງການຫນັງສືພິມຂອງຄະນະເລຂາອາຊຽນ ໃຫ້ຮູ້ວ່າ: ນັກວິທະຍາສາດ 14 ຄົນມາຈາກ ກຳປູເຈຍ, ອິນໂດເນເຊຍ, ມາເລເຊຍ, ມຽນມາ, ຟິລິບປີນ, ໄທ ແລະ ຫວຽດນາມ ຍາດໄດ້ທຶນສຶກສາຜ່ານວິວັດການຄັດເລືອກ. ຈຸດໝາຍຂອງລາຍການດັ່ງກ່າວແມ່ນສ້າງເຄືອຂ່າຍບັນດານັກວິທະຍາສາດໃນທົ່ວພາກພື້ນ ອາຊຽນ, ບໍ່ພຽງແຕ່ປະກອບສ່ວນສວມບົດບາດເຊື່ອມຕໍ່ລະຫວ່າງບັນດານັກວິທະຍາສາດ ແລະ ນັກວາງແຜນນະໂຍບາຍເທົ່ານັ້ນ ຫາກຍັງປະກອບສ່ວນພັດທະນານະໂຍບາຍໃຫ້ດີກວ່າ- ມີຜົນກະທົບຕັ້ງຫນ້າເຖິງຊີວິດຂອງປະຊາຊົນອາຊຽນ.