ລາຍການພົບປະແລກປ່ຽນສິລະປະ “ຫົວໃຈດຽວ, ໂລກດຽວ”
(ພາບ: TTXVN)(vovworld) - ລາຍການພົບປະແລກປ່ຽນສິລະປະ “ຫົວໃຈດຽວ, ໂລກດຽວ” ຄັ້ງທີ 14 ໂດຍສະມາຄົມອຸປະກາລະຄົນພິການ ແລະ ເດັກກ່ຳພ້າ ຫວຽດນາມ ແລະ ກະຊວງແຮງງານ - ທະຫານເສຍອົງຄະ ແລະ ສັງຄົມສົມທົບກັນຈັດຕັ້ງໃນຕອນຄ່ຳວັນທີ 12/04 ຢູ່ ຮ່າໂນ້ຍ. ນີ້ແມ່ນລາຍການພົບປະແລກປ່ຽນສິລະປະ ເຊິ່ງໄດ້ຈັດຕັ້ງປະຈຳປີ ເພື່ອໂຄສະນາ, ຍົກສູງຄວາມຮັບຮູ້ກ່ຽວກັບບັນດາບັນຫາຂອງຄົນພິການ, ຍ້ອງຍໍບັນດາແບບຢ່າງທີ່ຜ່ານຜ່າຄວາມຫຍຸ້ງຍາກ, ສະແດງຄວາມຮູ້ບຸນຄຸນຜູ້ໃຈບຸນໃຈກຸສົນ. ກ່າວຄຳເຫັນທີ່ລາຍການ, ທ່ານ ຫງວຽນດີງລຽວ ປະທານສະມາຄົມອຸປະຖຳຄົນພິການ ແລະ ເດັກກ່ຳພ້າ ຫວຽດນາມ ໃຫ້ຮູ້ວ່າ:
“ພັກ, ລັດມີແຜນນະໂຍບາຍ, ນະໂຍບາຍໃຫຍ່ຫລາຍຢ່າງ ມີຄວາມໝາຍສຳຄັນທີ່ສຸດສຳລັບ ຊີວິດການເປັນຢູ່ຂອງປະຊາຄົມຄົນພິການ ແລະ ເດັກກຳ່ພ້າ. ບັນດານະໂຍບາຍນັ້ນ ສະແດງໃຫ້ເຫັນຄຳໝັ້ນສັນຍາຢ່າງແຮງຂອງລັດຖະບານ ໃນການປົກປ້ອງ ແລະ ຊຸກຍູ້ການພັດທະນາ ເພື່ອຜົນປະໂຫຍດສະຫງວນໃຫ້ຄົນພິການ ແລະ ເດັກກ່ຳພ້າ, ພ້ອມທັງ ວາງອອກກາລະໂອກາດ ແລະ ສິ່ງທ້າທາຍຫລາຍຢ່າງ ໃນການປະຕິບັດພາລະບົດບາດ, ໜ້າທີ່ຂອງຕົນ”.