ລາວສະແດງຄວາມວິຕົກ ກັງວົນກ່ຽວກັບສະ ພາບການຢູ່ທະເລ ຕາເວັນອອກ
(ພາບປະກອບ)
(vovworld)- ຕອນເຊົ້າວັນທີ 23/6, ກະຊວງການຕ່າງປະເທດລາວ ໄດ້ຝາກສານການທູດເຖິງສະຖານທູດຫວຽດນາມ ປະຈຳລາວ ກ່ຽວກັບສະພາບການຢູ່ທະເລຕາເວັນອອກ ນັບແຕ່ຈີນ ໄດ້ຕັ້ງຮ້ານເຈາະນ້ຳມັນໄຮ່ຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ສານການທູດຊີ້ແຈ້ງວ່າ: ທະເລຕາເວັນອອກແມ່ນເຂດສຳຄັນ ແລະ ສະດຸ້ງໄວ້, ສະນັ້ນ, ການຮັກສາ ແລະ ຊຸກຍູ້ສັນຕິພາບ, ສະຖຽນລະພາບ, ການຮ່ວມມືແມ່ນສຳຄັນທີ່ສຸດ. ລາວພວມຕິດຕາມຢ່າງແໜ້ນແຟ້ນ, ເປັນຫ່ວງກັງວົນຕໍ່ສະພາບການຢູ່ທະເລຕາເວັນອອກ ແລະ ສະເໜີຝ່າຍຕ່າງໆທີ່ກ່ຽວຂ້ອງຕ້ອງລະງັບໃຈ, ຫລີກລ້ຽງບັນດາການກະທຳອາດຈະພາໄປເຖິງເພີ່ມຄວາມເຄັ່ງຕຶງໃນພາກພື້ນ, ແກ້ໄຂຄວາມຂັດແຍ້ງກັນໂດຍສັນຕິວິທີ, ບໍ່ໄດ້ນາບຂູ່ຫຼືນຳໃຊ້ກຳລັງປະກອບອາວຸດ, ສອດຄ່ອງກັບກົດໝາຍສາກົນ, ໃນນັ້ນມີສົນທິສັນຍາ ສປຊ ກ່ຽວກັບກົດໝາຍທະເລປີ 1982.
ຊາວຫວຽດນາມອາໄສຢູ່ເຢຍລະມັນສືບຕໍ່ຄັດຄ້ານການກະທຳຂອງຈີນ
(ພາບປະກອບ)
(vovworld) – ວັນທີ 22/6, ປະຊາຄົມຊາວຫວຽດນາມ ອາໄສຢູ່ Frankfurt/ Maiin ແລະ ບັນດາເຂດອ້ອມແອ້ມເຂດຕາເວັນຕົກສ່ຽງໃຕ້ເຢຍລະມັນ ໄດ້ດຳເນີນການແຫ່ຂະບວນປະທ້ວງຄັດຄ້ານບັນດາການກະທຳປິນຂັ້ນໄດຂອງຈີນ ຢູ່ທະເລຕາເວັນອອກ. ເຂົ້າຮ່ວມການແຫ່ຂະບວນປະທ້ວງຄັ້ງນີ້ມີປະມານ 1000 ຄົນທີ່ມາຈາກຫຼາຍນະຄອນຂອງປະເທດເຢຍລະມັນ. ນີ້ກໍ່ແມ່ນໂອກາດເພື່ອໃຫ້ຊາວຫວຽດນາມ ອາໄສຢູ່ເຢຍລະມັນ ພ້ອມກັນສາມັກຄີຕໍ່ສູ້ກັບບັນດາການກະທຳຜິດກົດໝາຍພຽງລຳພັງຝ່າຍດຽວຂອງຈີນ ຢູ່ທະເລຕາເວັນອອກ; ພ້ອມທັງສະແດງໃຫ້ເຫັນຄວາມຮັບຜິດຊອບ ແລະ ອາລົມຈິດຂອງປະຊາຄົມຊາວຫວຽດນາມ ອາໄສຢູ່ເຢຍລະມັນ ທີ່ມີຕໍ່ປະເທດຊາດ. ຜ່ານນັ້ນ, ໄດ້ຮຽກຮ້ອງປະຊາຊົນຜູ້ກ້າວໜ້າ, ຮັກຫອມສັນຕິພາບຢູ່ເຢຍລະມັນ ແລະ ໃນໂລກ ຮຽງບ່າຮຽງໄລ່ກັບປະຊາຊົນຫວຽດນາມ ຄັດຄ້ານບັນດາການກະທຳບໍ່ຫົວຊາຕໍ່ກົດໝາຍສາກົນຂອງຈີນ ຢູ່ທະເລຕາເວັນອອກ./.