ພະທາດຫຼວງ (ພາບ: Lonely Planet))

ໜັງສືພິມ Vientianes Times ສະບັບອອກວັນທີ 10 ເດືອນຕຸລາໄດ້ລົງພິມຂ່າວກ່ຽວກັບເລື່ອງ ບັນດາເຈົ້າໜ້າທີ່ມາຈາກ 4 ແຂວງພາກໃຕ້ຂອງລາວ ແລະ ບັນດາແຂວງພາກກາງ ແລະ ພາກໃຕ້ ຫວຽດນາມ, ພ້ອມກັບບັນດາບໍລິສັດທີ່ກ່ຽວຂ້ອງເຖິງຂົງເຂດການທ່ອງທ່ຽວໃນເວລາມໍ່ໆມານີ້ໄດ້ຈັດກອງປະຊຸມກຸ່ມ ຢູ່ແຂວງຈຳປາສັກ, ພາກໃຕ້ປະເທດ ລາວ, ເພື່ອປຶກສາຫາລືກ່ຽວກັບການພ້ອມກັນມານະພະຍາຍາມດຶງດູດແຂກທ່ອງທ່ຽວທີ່ມາຈາກສອງປະເທດຕື່ມອີກ.

        ວັນທີ 9 ຕຸລາ, ກ່າວຄຳເຫັນຕໍ່ນັກຂ່າວ, ທ່ານ ບຸນທອງ ບຸບຜາສະຫວັນ, ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ການທ່ອງທ່ຽວ ແຂວງ ອັດຕະປື ໃຫ້ຮູ້ວ່າ ທີ່ກອງປະຊຸມ, ສອງຝ່າຍໄດ້ຂຶ້ນແຜນການຈັດຕັ້ງບັນດາການເຄື່ອນໄຫວເພື່ອຊຸກຍູ້ການທ່ອງທ່ຽວ ແລະ ປຶກສາຫາລືກ່ຽວກັບບັນດາໂຄງການທ່ອງທ່ຽວ. ສອງຝ່າຍກໍໍໍ່ຊັ່ງຊາບັນດາມາດຕະການເພື່ອແນໃສ່ປັບປຸງພື້ນຖານດ້ານວັດຖຸ ແລະ ບັນດາລະບຽບການໃນການເຂົ້າເມືອງ, ເຫັນດີເປັນເອກະພາບກັນກວດກາບັນດາຮາກຖານບໍລິການທ່ອງທ່ຽວ ຢູ່ບັນດາສະຖານທີ່ທ່ອງທ່ຽວເພື່ອແນໃສ່ຮັບປະກັນວ່າ ບັນດາຮາກຖານເຫຼື່ອນີ້ມີຄຸນນະພາບໃນການບໍລິການ.

        ທີ່ກອງປະຊຸມ, ບັນດາຜູ້ແທນເຂົ້າຮ່ວມກໍ່ຍົກອອກບັນດາຄວາມຫຍຸ້ງຍາກ ແລະ ສິ່ງທ້າທາຍທີ່ພວມປະເຊີນໜ້າ, ປຶກສາກ່ຽວກັບຈຸດຮ້ອນເຮັ່ງໃນການທ່ອງທ່ຽວ ແລະ ແບ່ງປັນບັນດາຄວາມຄິດເຫັນເພື່ອແນໃສ່ດຶງດູດແຂກທ່ອງທ່ຽວໃຫ້ຫຼາຍກ່ວາຕື່ມອີກ.