ວັນທີ 12 ເມສາ, ຈຳນວນຜູ້ໄດ້ຮັບການປິ່ນປົວຫາຍດີຫຼາຍທົບ 9 ເທົ່າຈຳນວນຜູ້ຕິດເຊື້ອໂຄວິດ - 19 ລາຍໃໝ່
(VOVWORLD) -ໃນວັນທີ 12 ເມສາ, ມີຜູ້ໄດ້ຮັບການປິ່ນປົວຫາຍດີຕື່ມອີກກວ່າ 202.000 ຄົນ, ເຊິ່ງຫຼາຍທົບ 9 ເທົ່າຈຳນວນຜູ້ຕິດເຊື້ອລາຍໃໝ່.
 (ພາບປະກອບ: VOV) |
ນັບແຕ່ເວລາ 16 ໂມງຂອງວັນທີ 11 ເມສາ ຫາເວລາ 16 ໂມງຂອງວັນທີ 12 ເມສາ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 22.804 ຄົນ ຢູ່ 63 ແຂວງ, ນະຄອນ. ໃນວັນດຽວກັນມີຜູ້ໄດ້ຮັບການປິ່ນປົວຫາຍດີຕື່ມອີກກວ່າ 202.000 ຄົນ, ເຊິ່ງຫຼາຍທົບ 9 ເທົ່າຈຳນວນຜູ້ຕິດເຊື້ອລາຍໃໝ່, ອັນໄດ້ຍົກຈຳນວນຜູ້ປິ່ນປົວຫາຍດີຢູ່ ຫວຽດນາມ ຂຶ້ນເປັນ 8.757.107 ຄົນ. ໃນ 24 ຊົ່ວໂມງຜ່ານມາມີຜູ້ເສຍຊີວິດ 29 ຄົນ.
ໄລ່ມາຮອດປັດຈຸບັນ, ຫວຽດນາມ ໄດ້ຜັນຂະຫຍາຍການສັກວັກຊິນກັນພະຍາດໂຄວິດ - 19 ເກືອບ 208,6 ລ້ານໂດສ.