(VOVWORLD) - ນັບແຕ່ເວລາ 17 ໂມງ ຂອງວັນທີ 6 ຕຸລາ ຮອດເວລາ 17 ໂມງ ຂອງວັນທີ 07 ຕຸລາ, ຫວຽດນາມ ຢັ້ງຢືນມີຜູ້ຕິດເຊື້ອ ໂຄວິດ - 19 ລາຍໃໝ່ຕື່ມອີກ 4.150 ກໍລະນີ, ເຊິ່ງຫຼຸດລົງ 209 ກໍລະນີ ເມື່ອທຽບໃສ່ມື້ວານນີ້.
 (ພາບປະກອບ: VOV) |
ໄລ່ຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ສະສົມຈຳນວນ 826.837 ກໍລະນີ, ຢືນອັນດັບທີ 43/223 ປະເທດ ແລະ ເຂດແຄວ້ນ. ຖ້າໄລ່ຕາມອັດຕາຜູ້ຕິດເຊື້ອໃນຈຳນວນປະຊາຊົນ 1 ລ້ານຄົນນັ້ນ, ຫວຽດນາມ ຢືນອັນດັບທີ 155/223 ປະເທດ ແລະ ເຂດແຄວ້ນ.
ໃນວັນທີ 7 ຕຸລາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ໄດ້ຮັບການປິ່ນປົວຫາຍດີຕື່ມອີກ 1.402 ຄົນ, ອັນໄດ້ຍົກຈຳນວນຜູ້ໄດ້ຮັບການປິ່ນປົວຢູ່ ຫວຽດນາມ ມາຮອດປັດຈຸບັນ ແມ່ນ 758.488 ຄົນ. ແລະກໍໃນວັນດຽວກັນ, ຫວຽດນາມ ມີຜູ້ເສຍຊີວິດຍ້ອນໂລກລະບາດໂຄວິດ - 19 ຕື່ມອີກ 120 ຄົນ.