(vovworld) - ໃນລະຫວ່າງວັນທີ 25 – 28/06, ຢູ່ສູນວາງສະແດງວັດທະນະທຳ - ສິລະປະຫວຽດນາມ, ທີ່ຮ່າໂນ້ຍ ຈະຈັດວັນບຸນຄອບຄົວຫວຽດນາມ ປີ 2016. ວັນບຸນຄອບຄົວຫວຽດນາມ ປີ 2016 ກົງກັບໂອກາດສະເຫຼີມສະຫຼອງ 15 ປີແຫ່ງວັນຄອບຄົວຫວຽດນາມ (28/06/2001 – 28/06/2016). ວັນບຸນຄອບຄົວປີນີ້ຈະສຸມໃສ່ບັນດາຫົວຂໍ້ຄື: ສົ່ງເສີມສຸຂະພາບຄອບຄົວ ແລະ ທັກສະໃນການດຳລົງຊີວິດ, ຈັດງານວາງສະແດງກ່ຽວກັບຄອບຄົວ, ກອງປະຊຸມສຳມະນາ ແລະ ພົບປະແລກປ່ຽນວັດທະນະທຳສິລະປະ. ທ່ານ ບຸ່ຍກວາງຟຸ່ງ, ຮອງຫົວໜ້າສູນວາງສະແດງວັດທະນະທຳສິລະປະຫວຽດນາມ ໃຫ້ຮູ້ວ່າ.
“ໃນບໍລິເວນຕົ້ນຕໍ່ຂອງສູນວາງສະແດງວັດທະນະທຳ ສິລະປະຫວຽດນາມ, ພວກຂ້າພະເຈົ້າຈະຈັດງານວາງສະແດງ “ຄອບຄົວແຫ່ງຄວາມຜາສຸກ”, ແນະນຳພາບຖ່າຍ 100 ແຜ່ນທີ່ແບ່ງປັນຄວາມຮັກແພງຂອງບັນດາຄອບຄົວຊາວຫວຽດນາມ. ຫໍພິພິດຕະພັນແຫ່ງຊາດກໍວາງສະແດງປື້ມ ແລະ ສ້າງບັນດາຮູບຈຳລອງເຮືອນດ້ວຍປື້ມ. ພິເສດ, ພວກຂ້າພະເຈົ້າຈະສ້າງ ຮູບຈຳລອງ “ຫົວໃຈແຫ່ງຄວາມຮັກ” ທີສູງ 3,5ມ, ໃນນັ້ນໄດ້ຕິດພາບຖ່າຍກ່ຽວກັບຄອບຄົວ, ຄວາມຮັກແພງໃນຄອບຄົວນັບພັນແຜ່ນ”.