ວາດພາບບັນຍາກາດບຸນເຕັດຫວຽດນາມຢູ່ສ.ເຊັກໂກ
ວາດພາບຕະຫຼາດດອກໄມ້ໃນບຸນເຕັດ
(ພາບ: ຕ້ອນຮັບບຸນປີໃໝ່)
|
(vovworld) – ຕອນຄຳ່ວັນທີ 2/2, ຢູ່ນະຄອນຫຼວງ Praha, ສະຖານທູດ ຫວຽດນາມ ປະຈຳ ສ. ເຊັກໂກ ຈັດຕັ້ງງານລ້ຽງຢ່າງສົມກຽດເນື່ອງໃນໂອກາດບຸນປີໃໝ່ປະຈຳຊາດຂອງ ຫວຽດນາມ. ທ່ານເອກອັກຄະລັດຖະທູດ ຫວຽດນາມ ປະຈຳ ສ. ເຊັກໂກ ເຈືອງແມ້ງເຊີນ, ໃຫ້ຮູ້ວ່າ: ບຸນປີໃໝ່ປະຈຳຊາດແມ່ນໂອກາດເພື່ອໃຫ້ປະຊາຊົນຕີລາຄາວຽກງານໃນຕະຫຼອດໜຶ່ງປີຜ່ານມາ, ກະກຽມກ້າວເຂົ້າສູ່ປີໃໝ່ດ້ວຍບັນດາໜ້າທີ່ໃໝ່. ເພື່ອຊ່ວຍໃຫ້ແຂກຕ່າງປະເທດເຂົ້າໃຈກ່ວາກ່ຽວກັບບຸນເຕັດຂອງ ຫວຽດນາມ ແລະ ບັນດາຈຸດດີງາມຂອງປະເພນີທີ່ເປັນມູນເຊື້ອນີ້, ບຸນເຕັດທີ່ເປັນມູນເຊື້ອຂອງ ຫວຽດນາມ ຢູ່ສູນຈັດຕັ້ງເຫດການ ດົງໂດ ທີ່ນະຄອນຫຼວງ Praha. ທ່ານເອກອັກຄະລັດຖະທູດ ເຈືອງແມ້ງເຊີນ, ໃຫ້ຮູ້ວ່າ:
“ປີນີ້, ພວກຂ້າພະເຈົ້າຢາກເຊີນຄະນະທູຕານຸທູດ ແລະ ບັນດາເພື່ອນມິດເຊັກໂກ ເຂົ້າຮ່ວມບຸນເຕັດຂອງຊາດດ້ວຍບັນຍາກາດວັດທະນະທຳ ແລະ ອາຫານການກິນຂອງບຸນເຕັດ ຫວຽດນາມ ຜ່ານການເຄື່ອນໄຫວບູຊາບັນພະບູລຸດ, ພິທີສົ່ງທ້າຍປີເກົ່າຕ້ອນຮັບປີໃໝ່… ພວກຂ້າພະເຈົ້າຢາກສົ່ງສານເຖິງພວກເພື່ອນສາກົນທີ່ວ່າ ປະເທດ ຫວຽດນາມ ນັບມື້ນັບພັດທະນາ, ພວມເຊື່ອມໂຍງກັບໂລກໂດຍໄວ”
ພ້ອມກັບບັນຍາກາດທົ່ວປະເທດຂຳ່ນັບຊົມເຊີຍຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ ແລະ ຕ້ອນຮັບບຸນປີໃໝ່ປະຈຳຊາດປີວອກ 2016, ສະຖານທູດ ຫວຽດນາມ ປະຈຳ ສ. ເກົາຫຼີ ໄດ້ຈັດຕັ້ງບຸນເຕັດຢູ່ນະຄອນຫຼວງ ເຊີອູນ. ເນື່ອງໃນໂອກາດນີ້, ທ່ານເອກອັກຄະລັດຖະທູດ ຫວຽດນາມ ປະຈຳ ສ. ເກົາຫຼີ ໄດ້ຝາກຄຳຂອບອົກຂອບໃຈເຖິງເພື່ອນມິດສ. ເກົາຫຼີ ແລະ ສາກົນທີ່ໄດ້ຮຽງບ່າຮຽງໄຫລ່ເພີ່ມພູນຄຸນສ້າງການພົວພັນມິດຕະພາບ ຫວຽດນາມ - ສ. ເກົາຫຼີ ແລະ ສະຫງວນໃຫ້ ຫວຽດນາມ ການສະໜັບສະໜູນທັງດ້ານວັດຖຸ ແລະ ຈິດໃຈໃນພາລະກິດສ້າງສາ ແລະ ປົກປັກຮັກສາປະເທດຊາດ.