ພ້ອມກັບບັນດາທ່ານລັດຖະມົນຕີທີ່ຮັບຜິດຊອບການຕອບຄຳຊັກຖາມ, ບັນດາສະມາຊິກລັດຖະບານທີ່ກ່ຽວຂ້ອງ ໄດ້ປະກອບຄຳເຫັນ ເຮັດແຈ້ງບັນຫາທີ່ ຜູ້ມີສິດເລືອກຕັ້ງສົນໃຈຕື່ມອີກ 13 ເທື່ອ.

   ຜູ້ມີສິດເລືອກຕັ້ງທົ່ວປະເທດຕີລາຄາວ່າ, ນີ້ແມ່ນວາລະການຊັກຖາມທຳອິດຂອງສະພາແຫ່ງຊາດ ຊຸດທີ 15, ແຕ່ໄດ້ດຳເນີນໄປຢ່າງມີວິທະຍາສາດ, ມີໄຫວພິບ ແລະ ມີປະສິດທິຜົນ, ຖືກຕ້ອງກັບຄວາມມູ່ງຫວັງຂອງປະຊາຊົນ. ທ່ານ ຫງວຽນແມ້ງຮູ່ງ, ຢູ່ເມື່ອງ ຮາຍບາຈຶງ, ຮ່າໂນ້ຍໃຫ້ຮູ້ວ່າ:

“ວາລະຊັກຖາມຄັ້ງນີ້ຂອງສະພາແຫ່ງຊາດ ແມ່ນມີຈຸດສຸມທີ່ສຸດ, ກະທັດລັດ ແລະ ເຮັດແຈ້ງໄດ້ຫຼາຍບັນຫາ. ຂ້າພະເຈົ້າເຫັນວ່າ ປະທານສະພາແຫ່ງຊາດໄດ້ແບ່ງປັນຄວາມກົດດັນກັບລັດຖະມົນຕີກະຊວງຕ່າງໆໃນສະພາບເກີດໂລກລະບາດ, ເຊິ່ງສະແດງໃຫ້ເຫັນຄວາມເປັນຈິດໜຶ່ງໃຈດຽວກັນຂອງສະພາແຫ່ງຊາດ ແລະ ລັດຖະບານໃນການຕີລາຄາສະພາບການຕົວຈິງຂອງເສດຖະກິດ - ສັງຄົມ, ກໍຄືໃນການຊອກຫາມາດຕະການສ້າງແຜນການສັງລວມ ເພື່ອຟື້ນຟູພື້ນຖານເສດຖະກິດໃນໄລຍະເກີດໂລກລະບາດ ແລະ ຫຼັງໂລກລະບາດ.”

ສ່ວນທ່ານ ບຸ່ຍວັນຮວ່າ - ຜູ້ມີສິດເລືອກຕັ້ງຢູ່ເມືອງ ດານເຟື້ອງ, ຮ່າໂນ້ຍ ຖືວ່າ:

        “ຜ່ານການຕິດຕາມການຊັກຖາມ ແລະ ຕອບຄຳຊັກຖາມມາສອງມື້ນີ້, ຂ້າພະເຈົ້າເຫັນວ່າ ວາລະຊັກຖາມໄດ້ດຳເນີນໄປຢ່າງມີປະສິດທິຜົນ. ປະທານສະພາແຫ່ງຊາດໄດ້ບໍລິຫານຢ່າງມີໄຫວພິບ, ຕິດແທດກັບລາຍການຊັກຖາມ. ມີຫຼາຍເນື້ອໃນຍົກອອກໃນວາລະຊັກຖາມນີ້ ເປັນຕົ້ນແມ່ນ ຂົງເຂດສາທາລະນະສຸກ, ການສຶກສາ, ການຊ່ວຍໜູນສັງຄົມ, ທຶນຮອນ, ງົບປະມານ ແລະ ນັບທັງເນື້ອໃນໃນໄລຍະຍາວ ແລະ ຍຸດທະສາດອີກດ້ວຍ.”

ທ່ານຫງວຽນຮວ່າຍບັກ ປະທານສະພາບໍລິຫານ ບໍລິສັດຫຸ້ນສ່ວນພັດທະນາ ແລະ ລົງທຶນ ດ້າຍເຊີນ

ຜູ້ມີສິດເລືອກຕັ້ງຫຼາຍຄົນຖືວ່າ ບັນດາເນື້ອໃນຊັກຖາມ ແລະ ຕອບຄຳຊັກຖາມທີ່ກອງປະຊຸມສະພາແຫ່ງຊາດຄັ້ງນີ້ ລ້ວນແຕ່ແມ່ນບັນດາເນື້ອໃນທີ່ປະຊາຊົນມີຄວາມສົນໃຈ. ພ້ອມທັງສະແດງຄວາມໝັ້ນຕໍ່ການຟື້ນຟູ, ພັດທະນາເສດຖະກິດຂອງປະເທດຊາດ.