IS ກໍ່ສ້າງແຜນການບຸກໂຈມຕີໃນເດືອນ Rammadan
(ພາບ:
Reuters)
(vovworld) – ແຫຼ່ງຂ່າວຫຼ້າສຸດຈາກອົງການສືບລາຊະການລັບພາຍໃນປະເທດ ເຢຍລະມັນ (BfV) ໃຫ້ຮູ້ວ່າ: ອົງການລັດອິດສະລາມ (IS) ອ້າງຊື່ເອງ ພວມເລັ່ງໃສ່ການແຂ່ງຂັນບານເຕະ ເອີລົບ (EURO 2016) ຮອບຊິງຊະນະເລີດເປັນເປົ້າໝາຍເພື່ອປະຕິບັດບັນດາກົນອຸບາຍບຸກໂຈມຕີກໍ່ການຮ້າຍ. ເຖິງຢາງໃດກໍ່ຕາມ, ປະຈຸບັນ, ຍັງບໍ່ທັນມີພະຍານຫຼັກຖານລະອຽດໃດໆກ່ຽວກັບແຜນການການບຸກໂຈມຕີດັ່ງກ່າວເທື່ອ. ການນຳ BfV, ທ່ານ Hans – Georg Maassen ກໍ່ໃຫ້ຮູ້ວ່າ: ນັບມື້ນັບມີຫຼາຍສັນຍານສະແດງໃຫ້ເຫັນວ່າບັນດາອົງການກໍ່ການຮ້າຍຄື: IS, al Qaeda ແລະ ແນວໂຮມ Al – Nursa ພວມມີກົນອຸບາຍບຸກໂຈມຕີເປົ້າໝາຍຕ່າງໆຢູ່ຝ່າຍຕາເວັນຕົກ. ກ່ອນໜ້ານັ້ນ, ການນຳອົງການສືບລາຊະການລັບແຫ່ງຊາດ ຝຣັ່ງ, ເຊິ່ງແມ່ນປະເທດເປັນເຈົ້າພາບຈັດຕັ້ງ EURO 2016, ກໍ່ໄດ້ກ່າວເຕືອນວ່າບັນດາມືປືນ IS ພວມສ້າງແຜນການວາງລະເບີດກໍ່ການຮ້າຍຢູ່ສະຖານທີ່ ຫຼາຍແຫ່ງໃນທົ່ວປະເທດນີ້, ພິເສດແມ່ນບັນດາສະຖານທີ່ມີຫຼາຍຄົນ.