ສປຊ ກ່າວເຕືອນຄວາມສ່ຽງ ເກີດຄວາມເຄັ່ງຕຶງຢູ່ Jerusalem ຕາເວັນອອກ ແລະ ຝັ່ງຕາເວັນຕົກ ແມ່ນຳຈໍແດນ ອາດຈະຄວບຄຸມບໍ່ໄດ້
(VOVWORLD) -ວັນທີ 6 ພຶດສະພາ, ທ່ານ Tor Wennesland ທູດພິເສດຂອງ ສປຊ ກ່ຽວກັບວິວັດການສ້າງສັນຕິພາບ ຢູ່ພາກຕາເວັນອອກກາງ ໄດ້ສະແດງຄວາມ ວິຕົກກັງວົນຢ່າງເລິກເຊິ່ງ ຕໍ່ໜ້າສະພາບການຄວາມເຄັ່ງຕຶງທີ່ພວມປິ່ນຂັ້ນໄດ ຢູ່ Jerusalem ຕາເວັນອອກ ແລະ ຝັ່ງຕາເວັນຕົກແມ່ນ້ຳຈໍແດນ ໃນຊຸມອາທິດມໍ່ໆມານີ້.
 ທ່ານ Tor Wennesland ທູດພິເສດຂອງ ສປຊ ກ່ຽວກັບວິວັດການສ້າງສັນຕິພາບ ຢູ່ພາກຕາເວັນອອກກາງ (ພາບ: Prensa Latina) |
ທ່ານ Wennesland ໄດ້ສະແດງຄວາມວິຕົກກັງວົນຕໍ່ໜ້າຂໍ້ມູນທີ່ວ່າ: ມີເຍົາວະຊົນປາແລັດສະຕິນ ຄົນໜຶ່ງຖືກເສຍຊີວິດ ໃນການປະທະກັນກັບ ກຳລັງປ້ອງກັນ ອິດສະລາແອນ (IDF), ເຫດການແມ່ຍິງຄົນໜຶ່ງ ຖືກຍິງເສຍຊີວິດ ເມື່ອມີກົນອຸບາຍບຸກໂຈມຕີທະຫານ ອິດສະລາແອັນ ດ້ວຍມີດ, ກໍ່ຄືເຫດຍິງປືນຈາກລົດໂອໂຕຢູ່ຝັ່ງຕາເວັນຕົກແມ່ນຳຈໍແດນ ໂດຍໄດ້ເຮັດໃຫ້ຊາວອິດສະລາແອັນ ໜຶ່ງຄົນເສຍຊີວິດ ແລະ 2 ຄົນໄດ້ຮັບບາດເຈັບ.
ທ່ານທູດພິເສດ ສປຊ ໄດ້ຊີ້ແຈ້ງວ່າ ກຳລັງປ້ອງກັນຄວາມສະຫງົບ ອິດສະລາແອນ ຕ້ອງອົດກັ້ນທີ່ສຸດ ແລະ ນຳໃຊ້ພຽງແຕ່ອຸປະກອນທີ່ເຮັດໃຫ້ບາດເຈັບ ໃນກໍລະນີທີ່ຈຳເປັນທີ່ສຸດ ເພື່ອແນໃສ່ປົກປ້ອງຊີວິດອິນຊີຂອງມະນຸດ. ພ້ອມທັງໄດ້ຮຽກຮ້ອງໃຫ້ບັນດາການນຳດ້ານການເມືອງ, ສາສະໜາ ແລະ ປະຊາຄົມຂອງທັງສອງຝ່າຍພ້ອມກັນສະກັດກັ້ນ ແລະ ອົດກັ້ນບໍ່ໃຫ້ມີບັນດາການກະທຳທີ່ໃຊ້ຄວາມຮຸນແຮງ ແລະ ບັນດາຄຳເວົ້າກໍ່ກວນຍຸແຍ່, ຫຼີກລ້ຽງສະພາບການທີ່ອາດຈະບໍ່ສາມາດຄວບຄຸມບໍ່ໄດ້.