ທ່ານນາງ Nancy Pelosi ປະທານສະພາຕຳ (ພາບ: DW/Reuters)

 ວັນທີ 28 ທັນວາ, ສະພາຕ່ຳອາເມລິກາໂດຍພັກປະຊາທິປະໄຕຄຸ້ມຄອງ ໄດ້ຈັດການປ່ອນບັດເພື່ອຮັບຮອງເອົາຂໍ້ສະເໜີຂອງທ່ານ ປະທານາທິບໍດີ ອາເມລິກາ Donald Trump ຍົກລະດັບການໜູນຊ່ວຍໃຫ້ແກ່ປະຊາຊົນແຕ່ 600 USD/ຄົນ ຂຶ້ນເຖິງ 2000 USD/ຄົນ, ເພື່ອຫຼຸດຜ່ອນຜົນກະທົບຈາກໂລກລະບາດໂຄວິດ - 19, ດ້ວຍບັດສະໜັບສະໜູນ 275 ບັດ ແລະ ບັດຄ້ານ 134 ບັດ. ເຖິງຢ່າງໃດກໍ່ຕາມ, ຮ່າງກົດໝາຍຈະປະເຊີນໜ້າກັບຄວາມຫຍຸ້ງຍາກຫຼາຍຢ່າງ ຢູ່ສະພາສູງໂດຍພັກສາທາລະນະ ຄຸ້ມຄອງ. ອາທິດແລ້ວນີ້, ທ່ານ Roy Blunt ສະມາຊິກສະພາສູງ ສັງກັດພັກສາທາລະນະ ຖືວ່າ ຮ່າງກົດໝາຍສະບັບໜຶ່ງ ທີ່ຍົກລະດັບການໜູນຊ່ວຍຂຶ້ນເຖິງ 2000 USD/ຄົນ ແມ່ນຍາກທີ່ຈະໄດ້ຮັບການຮັບຮອງເອົາຢູ່ສະພາສູງ.