(ພາບປະກອບ: TTXVN)

ດ້ວຍຈຳນວນບັດສະໜັບສະໜູນ 365 ບັດ ແລະ ບັດຄ້ານ 65 ບັດ, ວັນທີ 10 ມັງກອນ ສະພາຕ່ຳ ອາເມລິກາ ໄດ້ຮັບຮອງເອົາມະຕິວ່າດ້ວຍການສ້າງ “ກຳມາທິການພິເສດ ກ່ຽວກັບການແກ້ງແຍ້ງຍຸດທະສາດລະຫວ່າງ ອາເມລິກາ ແລະ ຈີນ” - ອົງການທີ່ໄດ້ຮັບໜ້າທີ່ຄົ້ນຄວ້າລົງເລິກກ່ຽວກັບການແກ້ງແຍ້ງຍຸດທະສາດລະຫວ່າງ ອາເມລິກາ  - ຈີນ ແລະ ຍົກອອກຂໍ້ສະເໜີແນະກ່ຽວກັບດ້ານນະໂຍບາຍຕ່າງໆ.

        ທ່ານປະທານສະພາຕ່ຳ Kevin McCarthy ຖືວ່າ ກຳມາທິການພິເສດນີ້ ຈະບໍ່ມີລັກສະນະພັກຝ່າຍ ແຕ່ຈະເປັນກຳມາທິການສອງພັກ”. ກຳມາທິການ ໂດຍທ່ານ Mike Gallagher ສະມາຊິກສະພາຕ່ຳ ເປັນປະທານ, ຈະແກ້ໄຂບັນດາບັນຫາຄື ນຳເອົາວຽກງານຢູ່ ຈີນ ກັບຄືນມາ ອາເມລິກາ, ຮັບປະກັນສັບສິນທາງປັນຍາ, ນຳລະບົບສະໜອງກັບຄືນສູ່ພື້ນຖານເສດຖະກິດໃຫຍ່ທີ່ສຸດໃນໂລກ, ແກ້ໄຂຄວາມເຄັ່ງຕຶງໃນການພົວພັນລະຫວ່າງ ອາເມລິກາ ກັບ ຈີນ.