ສະພາທະນາຍຄວາມປະຊາທິປະໄຕສາກົນ ປະຊາທິປະໄຕສາກົນ ອອກຖະແຫຼງກ່ຽວກັບການກະທຳຜິດຂອງຈີນ ຢູ່ທະເລຕາເວັນອອກ
ສະພາທະນາຍຄວາມປະຊາທິປະໄຕສາກົນປະຊາທິປະໄຕສາກົນ ອອກຖະແຫຼງ
ກ່ຽວກັບການກະທຳຂອງຈີນ ຢູ່ທະເລຕາເວັນອອກ
(ພາບ: news.zing.vn)
(vovworld) – ຕອນເຊົ້າວັນທີ 11/06, ສະພາທະນາຍຄວາມປະຊາທິປະໄຕສາກົນປະຊາທິປະໄຕສາກົນ ໄດ້ອອກຖະແຫຼງການສະແດງຄວາມວິຕົກກັງວົນກ່ຽວກັບສະພາບການພວມປີນຂັ້ນໄດຢູ່ທະເລຕາເວັນອອກ, ໃນຂະນະທີ່ຈີນ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ສະພາທະນາຍຄວາມປະຊາທິປະໄຕສາກົນປະຊາທິປະໄຕສາກົນ ສະເໜີໃຫ້ຝ່າຍຈີນ ເຮັດແຈ້ງພື້ນຖານນິຕິກຳຂອງການກະທຳ ນຳຮ້ານເຈາະນ້ຳມັນໄຮຢາງ 981 ເຂົ້າເຄື່ອນໄຫວໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ນຳກຳປັ່ນລັດຖະການ, ເຮືອບິນ ແລະ ກຳປັ່ນທະຫານເຂົ້າເຄື່ອນໄຫວຢູ່ບໍລິເວນຕັ້ງຮ້ານເຈາະນ້ຳມັນໄຮຢາງ 981 ດຳເນີນບັນດາການກະທຳເກາະຜິດຄື ຕໍ່າ, ສີດນ້ຳໃສ່ບັນດາກຳປັ່ນປະຕິບັດໜ້າທີ່ຂອງຫວຽດນາມ. ສະພາທະນາຍຄວາມປະຊາທິປະໄຕສາກົນປະຊາທິປະໄຕສາກົນ ຮຽກຮ້ອງຈີນ ເຄົາລົບ, ປະຕິບັດຕາມກົດບັດຂອງສະຫະປະຊາຊາດ, ຈົ່ງມີການປະພຶດຖືກຕາມຖານະເປັນປະເທດໃຫຍ່ ກໍ່ຄືຖືກຕາມຖານະເປັນປະເທດສະມາຊິກສະພາຄວາມໝັ້ນຄົງສະຫະປະຊາຊາດ ໃນການປົກປັກຮັກສາສະຖຽນລະພາບ, ຄວາມໝັ້ນຄົງ, ຄວາມປອດໄພໃນພາກພື້ນ ແລະ ຢູ່ໃນໂລກ. ໃນຖະແຫຼງການ, ສະພາທະນາຍຄວາມປະຊາທິປະໄຕສາກົນປະຊາທິປະໄຕສາກົນ ຍັງສະເໜີໃຫ້ຈີນ ຢຸດຕິບັນດາການກະທຳກໍ່ຄວາມສັບສົນ, ເຮັດໃຫ້ຄວາມເຄັ່ງຕຶງໃນພາກພື້ນປິນຂັ້ນໄດ, ນາບຂູ່ຄວາມສະຫງົບປອດໄພໃນການເດີນເຮືອ ຢູ່ທະເລຕາເວັນອອກ.