ສະພາບການຢູ່ ຊິຣີ ພວມຜັນແປ່ຕາມທິດຫຍໍ້ທໍ້
(ພາບ: ອີນເຕີເນັດ)
(vovworld) - ສະພາບການຢູ່ ຊີຣີ ພວມຜັນແປ່ໄປຢ່າງສັບສົນ ດ້ວຍການປະທະກັນຄັ້ງຕ່າງໆທີ່ເກີດຂຶ້ນຢູ່ບັນດາທ້ອງຖິ່ນ, ໃນຂະນະທີ່ບັນດາພາລະກອນສະພາກາແດງສາກົນບໍ່ມີສິດສຳພັດກັບນະຄອນຫຼວງ Homs. ວັນທີ 2/3, ທ່ານເລຂາທິການໃຫຍ່ ສະຫະປະຊາຊາດ Ban Ki Mun ໄດ້ສະແດງຄວາມວິຕົກກັງວົນຢ່າງເລິກເຊິ່ງກ່ຽວກັບສະພາບການໃຊ້ຄວາມຮຸນແຮງພວມປີນຂັ້ນໄດ ຢູ່ຊີຣີ ເຮັດໃຫ້ສາມັນຊົນຫຼາຍຄົນເສຍຊີວິດ. ກ່າວຄຳເຫັນຕໍ່ສະມັດຊາໃຫຍ່ສະຫະປະຊາຊາດ, ທ່ານ Ban Ki Mun ເນັ້ນໜັກວ່າ: ນີ້ແມ່ນຈຸດເວລາເພື່ອໃຫ້ປະຊາຄົມໂລກອອກສຽງເປັນເອກະສັນກັນກ່ຽວກັບການໜູນຊ່ວຍມະນຸດສະທຳໃຫ້ແກ່ປະຊາຊົນ ຊີຣີ ແລະ ສະພາບການໃຊ້ຄວາມຮຸນແຮງຢ່າງຕໍເນື່ອງມີໄພພາໃຫ້ຊີຣີ ຕົກເຂົ້າສູ່ສະພາບເສິກກາງເມືອງ ແລະ ການປະທະກັນທາງສາສະໜາ.
ແຕ່ເຖິງຢ່າງໃດກໍຕາມ, ທ່ານ Bashar Ja Afari, ເອກອັກຄະລັດຖະທູດຊີຣີ ປະຈຳ ສະຫະປະຊາຊາດ ຖືວ່າ: ບັນດາອົງການຂອງສະຫະປະຊາຊາດບໍ່ໄດ້ຮັບຮູ້ຂໍ້ມູນຂ່າວສານຢ່າງແທ້ຈິງກ່ຽວກັບສະພາບການຢູ່ ຊີຣີ.
ໃນຂະນະນັ້ນ, ບັນດາປະເທດມະຫາອຳນາດໄດ້ເພີ່ມຄວາມກົດດັນຕໍລັດຖະບານ ຊີຣີ. ໃນສະພາບການທີ່ກ່ຽວຂ້ອງ, ທ່ານນາຍົກລັດຖະມົນຕີ ລັດເຊຍ Vladimir Putin ຖະແຫຼງວ່າ: ໜ້າທີ່ຕົ້ນຕໍຂອງລັດເຊຍ ໃນການແກ້ໄຂສະພາບການຢູ່ ຊີຣີ ແມ່ນຢຸດຕິສະພາບການນອງເລືອດ ແລະ ນຳບັນດາຝ່າຍປະທະກັນກັບຄືນສູ່ໂຕະເຈລະຈາ.