(VOVWORLD) -ໄລ່ຮອດເວລາ 1 ໂມງຂອງວັນທີ 3 ມິຖຸນາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ສະສົມກວ່າ 172 ລ້ານຄົນ, ໃນນັ້ນ ມີຫຼາຍກວ່າ 3,7 ລ້ານຄົນເສຍຊີວິດ.
 ການປິ່ນປົວໃຫ້ແກ່ຄົນເຈັບຕິດເຊື້ອພະຍາດໂຄວິດ - 19 ຢູ່ ອີຣານ (ພາບ: IRNA/TTXVN) |
ຖ້າໄລ່ຕາມພາກພື້ນແລ້ວ, ປັດຈຸບັນ, ອາຊີ ພວມຢືນອັນດັບໜຶ່ງ ດ້ວຍຈຳນວນຜູ້ຕິດເຊື້ອ 51.693.565 ຄົນ, ໃນນັ້ນ ມີເກືອບ 700.000 ຄົນເສຍຊີວິດ. ໃນເວລາ 24 ຊົ່ວໂມງຜ່ານມາ, ພາກພື້ນນີ້ ຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ ກວ່າ 210.000 ຄົນ ແລະ ກວ່າ 4,2 ພັນຄົນເສຍຊີວິດ.
ຢູ່ ເອີີຣົບ, ໃນເວລາ 24 ຊົ່ວໂມງຜ່ານມາ, ທະວີບນີ້ຢັ້ງຢືນມີຜູ້ຕິດເຊື້ອທັງໝົດກວ່າ 51 ລ້ານຄົນ ແລະ ມີກວ່າ 1,3 ພັນຄົນເສຍຊີວິດ.
ກ່ຽວຂ້ອງເຖິງໂຄງການ COVAX, ວັນທີ 2 ມິຖຸນາ, ທ່ານນາຍົກລັດຖະມົນຕີ ຍີ່ປຸ່ນ Suga Yoshihide ຖະແຫຼງວ່າ ຈະສະໜອງຕື່ມອີກ 800 ລ້ານ USD ເພື່ອໜູນຊ່ວຍວຽກງານແຈກຢາຍວັກຊິນກັນພະຍາດໂຄວິດ - 19 ຢ່າງຍຸຕິທຳໃນໂລກ.
ກ່ຽວກັບສະພາບການໂລກລະບາດໂຄວິດ - 19 ຢູ່ ຫວຽດນາມ, ນັບແຕ່ເວລາ 12 ໂມງ ຫາເວລາ 18 ໂມງຂອງວັນທີ 3 ມິຖຸນາ, ຫວຽດນາມ ຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ 91 ກໍລະນີ. ເປັນອັນວ່າ, ຫວຽດນາມ ມີຜູ້ຕິດເຊື້ອສະສົມທັງໝົດ 8.063 ກໍລະນີ, ໃນນັ້ນ ມີ 3.085 ກໍລະນີ ໄດ້ຮັບການປິ່ນປົວຫາຍດີແລ້ວ ແລະ ມີ 49 ກໍລະນີເສຍຊີວິດ.