ສະພາແຫ່ງຊາດຫວຽດນາມແລະຊານມາຣີໂນແລກປ່ຽນບົດຮຽນໃນຫຼາຍຂົງເຂດ
ຄະນະຜູ້ແທນ ຫວຽດນາມ ແລະ ຊານມາຣີໂນ
(ພາບ: Quang Thanh/Vietnam+)
|
(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ສາທາລະນະລັດ ຊານມາຣີໂນ, ວັນທີ 11/5, ຄະນະຜູ້ແທນສະພາແຫ່ງຊາດຫວຽດນາມ, ໂດຍທ່ານ ເລຍືຕ໋ຽນ, ຮອງຫົວໜ້າກຳມາທິການວັດທະນະທຳ, ການສຶກສາຊາວໜຸ່ມ, ເຍົາວະຊົນ ແລະ ອະນຸຊົນນຳໜ້າ, ໄດ້ມີການເຮັດວຽກ, ແລກປ່ຽນບົດຮຽນກັບກຳມາທິການບັນດາບັນຫາກ່ຽວກັບລັດຖະທຳມະນູນ, ລະບອບກົດໝາຍ, ບໍລິຫານລັດ, ພາຍໃນ, ປົກປ້ອງພົນລະເຮືອນ, ພົວພັນກັບສະພາແຂວງຕ່າງໆ, ຍຸຕິທຳ, ການສຶກສາ, ວັດທະນະທຳ, ຜະລິດຕະພັນວັດທະນະທຳ, ຄົ້ນຄ້ວາວິທະຍາສາດ ແລະ ມະຫາວິທະຍາໄລທີ່ຂຶ້ນກັບສະພາແຫ່ງຊາດ ຊານມາຣີໂນ. ສອງຝ່າຍໄດ້ແລກປ່ຽນບົດຮຽນໃນຂົງເຂດສຶກສາ, ວັດທະນະທຳ, ສື່ສານ, ຊາວໜຸ່ມ ແລະ ກິລາ ກໍ່ຄືພຶດຕິກຳຕົວຈິງຂອງແຕ່ລະປະເທດ. ທ່ານເລຍືຕ໋ຽນປາຖະໜາວ່າ, ໃນໄລຍະຈະມາເຖິງ, ສະພາແຫ່ງຊາດສອງຝ່າຍຈະເພີ່ມທະວີການພົວພັນຮ່ວມມືໃນຫຼາຍຂົງເຂດ, ໃນນັ້ນມີການສຶກສາບຳລຸງສ້າງ, ການເບິ່ງແຍງດູແລຊາວໜຸ່ມເຍົາວະຊົນ, ອະນຸຊົນ.