ສະມາຄົມພຸດທະ ສາສະໜາພັດທະນາ ພ້ອມກັບປະເທດ
ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ
ເຮັດວຽກກັບສູນກາງສະມາຄົມພຸດທະສາສະໜາຫວຽດນາມ
(ພາບ: chinhphu.vn)
(vovworld) – ທີ່ການເຮັດວຽກກັບສູນກາງສະມາຄົມພຸດທະສາສະໜາຫວຽດນາມ ໃນຕອນບ່າຍວັນທີ 31 ຕຸລາ, ຢູ່ຮ່າໂນ້ຍ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ຮອງນາຍົກລັດຖະມົນຕີ ຫງວຽນທ້ຽນເຍີນ, ໄດ້ຕີລາຄາສູງບັນດາການປະກອບສ່ວນຕ່າງໆຂອງສະມາຄົມພຸດທະສາສະໜາຫວຽດນາມ ບົນເສັ້ນທາງພັດທະນາພ້ອມກັບປະເທດຊາດ, ປະກອບສ່ວນສ້າງກຸ່ມກ້ອມມະຫາສາມັກຄີທົ່ວປວງຊົນທັງຊາດ. ທ່ານ ຫງວຽນທ້ຽນເຍີນ ປາດຖະໜາວ່າ ສະມາຄົມພຸດທະສາສະໜາຫວຽດນາມ ເສີມຂະຫຍາຍບົດບາດເປັນອົງການສະມາຊິກທີ່ຕັ້ງໜ້າຂອງແນວໂຮມປະເທດຊາດຫວຽດນາມ, ປະກອບສ່ວນເຂົ້າໃນການພັດທະນາຂອງປະເທດເປັນຢ່າງດີທີ່ສຸດ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຢືນຢັນວ່າ, ດ້ວຍໜ້າທີ່ຮັບຜິດຊອບຂອງຕົນ, ຄະນະກຳມະການສູນກາງແນວໂຮມປະເທດຊາດຫວຽດນາມ ຈະສ້າງເງື່ອນໄຂດີທີສຸດໃຫ້ສະມາຄົມພຸດທະສາສະໜາເຄື່ອນໄຫວ; ສະເໜີໃຫ້ສະມາຄົມພຸດທະສາສະໜາກຽມແຜນການລະອຽດໃຫ້ແກ່ງານບຸນໃຫຍ່ Vesak 2014 ກໍ່ຄືການກະກຽມພື້ນຖານໂຄງລ່າງທີ່ສະຫງວນໃຫ້ການຈັດຕັ້ງບັນດາເຫດການ, ວຽກງານຮັບປະກັນຄວາມປອດໄພ, ຄວາມເປັນລະບຽບຮຽບຮ້ອຍ.