(vovworld) – ອາເມລິກາ ຕ້ອງສ້າງຍຸດທະສາດເພື່ອຮັບມືກັບການກະທຳບີບບັງຄັບປອດທະຫານຂອງຈີນ. ນັ້ນແມ່ນຂໍ້ສະເໜີເຊິ່ງທ່ານສະມາຊິກສະພາຕໍ່າອາເມລິກາ Randy Forbes, ປະທານອະນຸກຳມະການຜັນຂະຫຍາຍກຳລັງ ແລະ ກຳລັງແຮງທະເລ ຂຶ້ນກັບກຳມາທິການກຳລັງທະຫານສະພາຕໍ່າອາເມລິກາ ຍົກອອກມາ ເມື່ອຕອບສຳພາດຕໍ່ວາລະຊານ National Interest ຂອງອາເມລິກາ. ຕາມທ່ານສະມາຊິກສະພາຕໍ່າອາເມລິກາ Randy Forbes ແລ້ວ, ບົດບາດ ແລະ ຄວາມສາມາດຂອງອາເມລິກາ ໃນການຮັກສາຄວາມເປັນລະບຽບຮຽບຮ້ອຍແມ່ນອີງໃສ່ກົດໝາຍຢູ່ອາຊີ ໃນຫຼາຍທົດສະວັດຜ່ານມາພວມປະສົບສິ່ງທ້າທາຍຕໍ່ໜ້າຄວາມມານະພະຍາຍາມຫັນການທະຫານເປັນທັນສະໄໝ ແລະ ການກະທຳແຂງກະດາງຂອງຈີນ. ທ່ານ Randy Forbes ກ່າວເຕື່ອນວ່າ ອາດສາມາດເກີດວິກິດການ ແລະ ຊຳບໍ່ໜຳເກີດການປະທະກັນຢູ່ອາຊີ - ປາຊີຝິກ ກໍ່ເປັນໄດ້ດ ຂະນະທີ່ ຈີນ ອາດຈະປ່ຽນແປງດູນການທະຫານ, ນຳໃຊ້ບັນດາມາດຕະການບີບບັງຄັບດ້ວຍການທະຫານ ແລະ ປອດທະຫານ. ບັນດາປະເທດບ້ານໃກ້ເຮືອນຄຽງຂອງຈີນ ຈາກຍີ່ປຸ່ນ ຕະຫຼອດຮອດ ຟີລິບປິນ ແລະ ຫວຽດນາມ ລ້ວນແຕ່ ລໍຖາບັນຍານຢ່າງຈະແຈ້ງກ່ຽວກັບຄວາມຕັດສິນຂອງຂອງອາເມລິກາ ໃນການຮັກສາສະພາບຕົວຈິງໃນພາກພື້ນ, ເຊິ່ງເປັນບ່ອນທີ່ການເສລີໃນການເດີນທະເລໄດ້ຮັບການເຄົາລົບ, ບັນດາການຂັດແຍ້ງໄດ້ຮັບການແກ້ໄຂໂດຍສັນຕິວິທີ.
ທ່ານສະມາຊິກສະພາຕໍ່າອາເມລິກາ Randy Forbes ຖືວ່າ, ອາເມລິກາ ພວມຂາດຍຸດທະສາດເພື່ອສະກັດກັ້ນຄວາມແຂງກະດາງທີ່ນັບມື້ນັບປິນຂັ້ນໄດຂອງຈີນ. ສະນັ້ນ, ອາເມລິກາ ຕ້ອງມີຍຸດທະສາດ ເພື່ອສາມາດຄວບຄຸມການກະທຳບີບບັງຄັບ ແລະ ຄວາມສາມາດຕ້ານການແຊກແຊງຂອງຈີນ.