(vovworld) – ຢູ່ນອກກອງປະຊຸມສະໄໝສາມັນເທື່ອທີ 7 ສະພາແຫ່ງຊາດຫວຽດນາມ ຊຸທີ 13, ບັນດາສະມາຊິກສະພາແຫ່ງຊາດ ຖືວ່າ ເລື່ອງກຳປັ່ນຂອງຈີນ ຕຳກຳປັ່ນຂອງຊາວປະມົງທີ່ພວມເຄື່ອນໄຫວບົນທະເລທີ່ເປັນມູນເຊື້ອຂອງຫວຽດນາມ ໃຫ້ຈົມນ້ຳ ແມ່ນການກະທຳທີ່ຮ້າຍແຮງ ພິເສດ, ນາບຂູ່ເຖິງຊີວິດອີນຊີ ແລະ ຊັບຊົມບັດຂອງຊາວປະມົງ, ຝ່າຍຈີນ ຕ້ອງຊົດເຊີຍໃຫ້ຊາວປະມົງຫວຽດນາມ. ທ່ານ ຫງວຽນວັນຮ໋ຽນ, ສະມາຊິກສະພາແຫ່ງຊາດແຂວງ ບ່າເຣືຍ - ວຸງເຕົ່າ ຖືວ່າ.
“ສິ່ງທີ່ຈະແຈ້ງແລ້ວວ່າ ການກະທຳຂອງຈີນ ໄດ້ລະເມີດອະທິປະໄຕ, ສິດອະທິປະໄຕ, ສິດອຳນາດສານບົນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ພ້ອມທັງກໍ່ຄວາມເສຍຫາຍຢ່າງໜັກໜ່ວງເຖິງຊັບສົມບັດ, ຊີວິດອີນຊີຊອງຊາວປະມົງ. ກ່ຽວກັບຫຼັກການແມ່ນ ກໍ່ຄວາມເສຍຫາຍຕ້ອງຊົດເຊີຍ”.
ສະມາຊິກສະພາແຫ່ງຊາດກໍ່ເນັ້ນໜັກວ່າ, ໃນໄລຍະປະຈຸບັນ, ຊາວປະມົງແມ່ນຜູ້ປົກປັກຮັກສາອະທິປະໄຕເຂດທະເລ, ໝູ່ເກາະຢ່າງມີປະສິດທິຜົນທີ່ສຸດ, ບັນດາສະມາຊິກສະພາແຫ່ງຊາດ ສະເໜີໃຫ້ບັນດາຂະແໜງການທີ່ກ່ຽວຂ້ອງ ຕ້ອງສຸມໃສ່ແຫຼ່ງກຳລັງລົງທຶນເພື່ອຊ່ວຍຊາວປະມົງອຸ່ນອ່ຽງໃຈຕິດພັນກັບທະເລ, ທັງພັດທະນາເສດຖະກິດ, ທັງປະກອບສ່ວນເຂົ້າໃນການປົກປັກຮັກສາອະທິປະໄຕເຂດທະເລ, ໝູ່ເກາະ.