ທູດພິເສດຂອງສະຫະປະຊາດປະຈຳ ລີບີ ທ່ານ Ghassan Salame  (ພາບ: Reuters)

ວັນທີ 02 ຕຸລາ, ກ່າວຄຳເຫັນຕໍ່ວົງການນັກຂ່າວ ພາຍຫລັງດຳເນີນຮອບເຈລະຈາຄັ້ງໃໝ່ລະຫວ່າງ GNA ເຊິ່ງໄດ້ຮັບການໜູນຫລັງຈາກສະຫະປະຊາຊາດ ແລະ ອຳນາດການປົກຄອງຝ່າຍຄ້ານ ລີບີ ທີ່ຈັດຕັັ້ງຢູ່ປະເທດບ້ານໃກ້ເຮືອນຄຽງ ຕຸຍນີຊີ ເມື່ອວັນທີ 26 ກັນຍາ, ທ່ານ Ghassan Salame ທູດພິເສດຂອງສະຫະປະຊາດປະຈຳ ລີບີ ເນັ້ນໜັກວ່າ 2 ຝ່າຍໄດ້ເຫັນດີເປັນເອກະພາບກ່ຽວກັບແຜນການຢຸດຍິງ ແນໃສ່ຢຸດຕິສະພາບຄວາມວຸ້ນວາຍ. ພາຍຫລັງເຮັດວຽກນຳກັນມາເປັນເວລາເກືອບ 1 ອາທິດ, ບັນດາຝ່າຍບັນລຸໄດ້ຄວາມເຫັນດີເຫັນພ້ອມກ່ຽວກັບບາງບັນຫາສຳຄັນ ເພື່ອເພີ່ມເຕີມໃສ່ໃນຂໍ້ຕົກລົງສັນຕິພາບ 2015 ໃຫ້ເໝາະສົມກັບສະພາບການ ລີບີ ໃນປະຈຸບັນ. ຂໍ້ຕົກລົງດັ່ງກ່າວ ແມ່ນພື້ນຖານໃຫ້ແກ່ວິວັດການດ້ານການເມືອງຢູ່ ລີບີ ແລະ GNA ໄດ້ຮັບການສ້າງຕັ້ງຂຶ້ນໂດຍທ່ານ Fayez Al Sarraj ເປັນນາຍົກລັດຖະມົນຕີ.