ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການມິດຕະພາບ ຫວຽດນາມ (ພາບ: TTXVN)

ໃນກອງປະຊຸມໃຫຍ່ດັ່ງກ່າວ, ບັນດາຜູ້ແທນໄດ້ຮັບຮອງເອົາຮ່າງກົດລະບຽບຂອງສະມາຄົມ, ທິດທາງການເຄື່ອນໄຫວໃນສະໄໝທຳອິດ; ເລືອກຕັ້ງຄະນະບໍລິຫານງານສູນກາງຂອງສະມາຄົມ ສະໄໝທີ I (2022 – 2027) ລວມມີກຳມະການ 35 ຄົນ; ໃນນັ້ນ ທ່ານ ເຈິ່ນຕວັນແອັງ, ຮອງປະທານສະຖາບັນບັນດິດ ວິທະຍາສາດ ແລະ ເຕັກໂນໂລຢີ ຫວຽດນາມ ໄດ້ຮັບການເລືອກຕັ້ງເປັນປະທານສະມາຄົມມິດຕະພາບ ຫວຽດນາມ - ໂອຕາລິດ. ກ່າວຄຳເຫັນໃນຖານະເປັນປະທານສະມາຄົມມິດຕະພາບ ຫວຽດນາມ - ໂອຕາລິດ ສະໄໝທີ I, ທ່ານ ເຈິ່ນຕວັນແອັງ ໃຫ້ຮູ້ວ່າ:

“ການພົວພັນຮ່ວມມືລະຫວ່າງ ຫວຽດນາມ ແລະ ໂອຕາລິດ ໄດ້ມີພື້ນຖານມາກ່ອນນີ້ 50 ປີແລ້ວ ແລະ ການກຳເນີດຂອງສະມາຄົມມິດຕະພາບ ຫວຽດນາມ - ໂອຕາລິດ ກົງກັບໂອກາດສະເຫຼີມສະຫຼອງວັນສ້າງຕັ້ງການພົວພັນຮ່ວມມື ຫວຽດນາມ - ໂອຕາລິດ ຄົບຮອບ 50 ປີ ແມ່ນເຫດການທີ່ມີຄວາມໝາຍ, ສ້າງຂີດໝາຍສຳຄັນໃນການພົວພັນຮ່ວມມືລະຫວ່າງສອງປະເທດ, ກໍຄືສ້າງເງື່ອນໄຂເພື່ອປັບປຸງ ແລະ ເພີ່ມທະວີນ້ຳໃຈໄມຕີຈິດມິດຕະພາບການຮ່ວມມືລະຫວ່າງສອງປະເທດ. ຈຸດສຸມຂອງສະມາຄົມມິດຕະພາບ ຫວຽດນາມ - ໂອຕາລິດ ແມ່ນຊ່ວຍເພີ່ມທະວີການພົວພັນຮ່ວມມືພັດທະນາໃນຂົງເຂດວິທະຍາສາດເຕັກໂນໂລຢີວັດທະນະທຳ, ການສຶກສາ ແລະ ບຳລຸງສ້າງ ກໍຄືການພັດທະນາເສດຖະກິດລະຫວ່າງສອງປະເທດ. ໃນໄລຍະຈະມາເຖິງ, ສະມາຄົມດັ່ງກ່າວຈະສ້າງແຜນການປະຈຳປີ ຫຼືແຜນການ 5 ປີ ເພື່ອປະຕິບັດບັນດາເປົ້າໝາຍຂອງກອງປະຊຸມ.”