(VOVWORLD) - ຕອນເຊົ້າວັນທີ 23 ເມສາ, ທີ່ຮ່າໂນ້ຍ, ຄະນະຊີ້ນຳສູນກາງກ່ຽວກັບໂຄງການເປົ້າໝາຍແຫ່ງຊາດກໍ່ສ້າງຊົນນະບົດໃໝ່ ຈັດຕັ້ງກອງປະຊຸມສະຫລຸບໂຄງການໜຶ່ງຕາແສງ ໜຶ່ງຜະລິດຕະພັນ (OCOP) ໄລຍະ 2018 – 2020.
 ທ່ານຮອງນາຍົກລັດຖະມົນຕີ ຫວຽດນາມ ຈິ້ງດີງຢຸງ. ພາບ: VGP |
ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວຽດນາມ ຈິ້ງດີງຢຸງ ຊີ້ນຳວ່າ ໃນໄລຍະຈະມາເຖິງ, ກະຊວງກະສິກຳ ແລະ ພັດທະນາຊົນນະບົດ ເປັນຜູ້ຮັບຜິດຊອບການສົມທົບກັບບັນດາກະຊວງ, ຂະແໜງການ ຮີບເຮັ່ງສ້າງສຳເນົາເອກະສານຂອງລັດຖະບານ ເພື່ອຍື່ນສະເໜີຕໍ່ສະພາແຫ່ງຊາດໃຫ້ສັດຕະຍາບັນແຜນນະໂຍບາຍການລົງທຶນໂຄງການເປົ້າໝາຍແຫ່ງຊາດກໍ່ສ້າງຊົນນະບົດໃໝ່ໄລຍະ 2021 – 2025. ໃນນັ້ນ ເອົາໃຈໃສ່ເຖິງບັນດາຜະລິດຕະພັນທີ່ມີທ່າແຮງ, ເປັນເອກະລັກສະເພາະຂອງທ້ອງຖິ່ນ, ຕິດພັນກັບປັດໄຈວັດທະນະທຳ, ມະນຸດຢູ່ແຕ່ລະຂົງເຂດ, ພາກ, ຊົນເຜົ່າ ເພື່ອຮັບໃຊ້ການພັດທະນາເສດຖະກິດ, ການທ່ອງທ່ຽວ.