ສ້າງໂຄງປະກອບຂະແໜງການທ່ອງທ່ຽວຄືນໃໝ່ຕາມຫຼັກການຕະຫລາດ,ວິຊາການ,ທັນສະໄໝ
ທ່ານຮອງນາຍົກລັດຖະມົນຕີ ເວືອງດີງເຫວ້ ທີ່ການເຮັດວຽກ
(ພາບ: Toquoc)
(vovworld) – ຕອນບ່າຍວັນທີ 14/09 ຢູ່ ຮ່າໂນ້ຍ, ທ່ານຮອງນາຍົກລັດຖະມົນຕີ ເວືອງດີງເຫວ້ ແລະ ທ່ານຮອງນາຍົກລັດຖະມົນຕີ ຫວູດຶກດາມ ເປັນປະທານການເຮັດວຽກ, ໃຫ້ຄຳເຫັນກ່ຽວກັບແຜນຮ່າງພັດທະນາການທ່ອງທ່ຽວກາຍເປັນຂະແໜງເສດຖະກິດປາຍແຫຼມຂອງກະຊວງວັດທະນະທຳກິລາ ແລະ ທ່ອງທ່ຽວ. ນະທີ່ນີ້ ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ: ແຜນຮ່າງຄວນຊີ້ແຈ້ງກຳນົດທິດພັດທະນາການທ່ອງທ່ຽວ ທີ່ມີຈຸດສຸມ ແລະ ມີວິຊາການ, ສຸມໃສ່ກົນໄກນະໂຍບາຍເພື່ອພັດທະນາການທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມ.
ສວ່ນທ່ານຮອງນາຍົກລັດຖະມົນຕີ ເວືອງດີງເຫວ້ ຖືວ່າ: ຕ້ອງເຮັດແຈ້ງບັນດາການປະກອບສ່ວນ, ແຜ່ຂະຫຍາຍການທ່ອງທ່ຽວໃຫ້ບັນດາຂະແໜງການ, ພິເສດແມ່ນຄົມມະນາຄົມຂົນສົ່ງ, ການຄ້າ, ກະສິກຳ, ໝູ່ບ້ານຫັດຖະກຳ, ການເງິນ…ຄຽງຂ້າງເປົ້າໝາຍພັດທະນາການທ່ອງທ່ຽວຮອດປີ 2020, ແຜນຮ່າງຄວນມີວິໄສທັດຮອດປີ 2030 ຕື່ມອີກ. ທ່ານຮອງນາຍົກລັດຖະມົນຕີຮຽກຮ້ອງແຜນຮ່າງຕ້ອງເຕື້ອງເຖິງການຍົກສູງຄວາມຮັບຮູ້ ແລະ ປ່ຽນໃໝ່ກ່ຽວກັບຈິນຕະນາການພັດທະນາການທ່ອງທ່ຽວ, ເຫັນດີເປັນເອກະພາບໃນການນິຍາມກ່ຽວກັບຂະແໜງທ່ອງທ່ຽວ, ມີຫຼັກການປະພຶດຕໍ່ການທ່ອງທ່ຽວ ຄືຂະແໜງເສດຖະກິດ, ປະຕິບັດຕາມບັນດາຫຼັກການເສດຖະກິດການຕະຫລາດ ແລະ ບັນດາກົດເກນມີລັກສະນະທົ່ວໄປ ທ່ານຮອງນາຍົກລັດຖະມົນຕີໄດ້ຍົກອອກບັນດາມາດຕະການກ່ຽວກັບນະໂຍບາຍ ແລະ ລະບອບການພັດທະນາການທ່ອງທ່ຽວ , ໃນນັ້ນ ມີເລື່ອງສ້າງໂຄງປະກອບຂະແໜງການທ່ອງທ່ຽວຄືນໃໝ່ ຕາມທິດມີວິຊາການທີ່ສຸດ, ທັນສະໄໝ, ພັດທະນາແບບຍືນຍົງບົນພື້ນຖານເສດຖະກິດການຕະຫລາດ ແລະ ການເຊື່ອມໂຍງເຂົ້າກັບສາກົນ.