ບັນດານັກຄົ້ນຄວ້າຊອກຮູ້ກ່ຽວກັບອາຫານການກິນຂອງແຕ່ລະເຂດ, ພາກ (ພາບ: TTXVN)

 ແຜນຮ່າງ ຈະຜູກຮັດເຄື່ອງໝາຍການຄ້າແຫ່ງຊາດກ່ຽວກັບວັດທະນະທຳອາຫານການກິນ ກັບເຄື່ອງໝາຍການຄ້າກ່ຽວກັບສະຖານທີ່ທ່ອງທ່ຽວ, ປະກອບສ່ວນພັດທະນາເສດຖະກິດທ່ອງທ່ຽວ, ດຶງດູດແຂກທ່ອງທ່ຽວສາກົນ ກໍຄືນັກລົງທຶນຕ່າງປະເທດເຂົ້າມາ ຫວຽດນາມ. ແຜນຮ່າງໄດ້ຊຸກຍູ້ການເກັບກຳຂໍ້ມູນທາງດ້ານວັດທະນະທຳ, ເຊີດຊູການອະນຸລັກວັດທະນະທຳອາຫານການກິນ ຫວຽດນາມ ແລະ ພັດທະນາໃຫ້ກາຍເປັນເຄື່ອງໝາຍການຄ້າແຫ່ງຊາດ. ຈາກພື້ນຖານຂໍ້ມູນທີ່ເກັບກຳ, ຄົ້ນຄວ້າຂອງແຜນຮ່າງ, ສະມາຄົມວັດທະນະທຳອາຫານການກິນ ຫວຽດນາມ ຈະຄັດຈ້ອນເອົາຊຸດອາຫານການກິນມີຄວາມສາມາດກາຍເປັນຮູບແບບ “ເລີ່ມທຸລະກິດດ້ານອາຫານການກິນ”.  ພ້ອມດຽວກັນນັ້ນ, ທາງສະມາຄົມກໍຈະໂຄສະນາ, ແນະນຳບັນດາເຍື່ອງອາຫານທີ່ເປັນເອກະລັກຕາມເຂດ, ພາກຂອງ ຫວຽດນາມ ໃຫ້ປະຊາຊົນຢູ່ພາຍໃນປະເທດ ແລະ ປະຊາຄົມສາກົນ.