ທ່ານປະທານປະເທດ ຫວຽດນາມ ຫງວຽນຊວັນຟຸກ ກ່າວຄຳເຫັນກອງປະຊຸມ ສະມັດຊາໃຫຍ່ ສປຊ ຊຸດທີ 76 (ພາບ: baochinhphu.vn)

ໃນບົດຂຽນຂອງທ່ານ ປອ. ນັກການເມືອງວິທະຍາ Alexander Korolev, ມະຫາວິທະຍາໄລເສດຖະກິດຂັ້ນສູງ (HSE) ດ້ວຍຫົວຂໍ້ “ໂຄງການດຳເນີນງານຂຽວ, ກູບາ, ທະເລ: ບົດກ່າວປາໄສຂອງປະທານປະເທດ ຫວຽດນາມ ໃນກອງປະຊຸມສະມັດຊາໃຫຍ່ ສປຊ” ທີ່ໄດ້ເອົາລົງໃນເວັບໄຊ orientaliarossica.com, ໄດ້ເນັ້ນໜັກວ່າ ບົດກ່າວປາໄສຂອງທ່ານປະທານປະເທດ ຫວຽດນາມ ຫງວຽນຊວັນຟຸກ ມີລັກສະນະສ້າງສັນ, ລວມມີບັນດາບັນຫາສະຖານະການ. ທັດສະນະຂອງ ຫວຽດນາມ ແມ່ນສອດຄ່ອງກັບນະໂຍບາຍການຕ່າງປະເທດ ແລະ ເສດຖະກິດ ຂອງປະເທດໃນບັນດາທົດສະວັດມໍ່ໆມານີ້. ນີ້ແມ່ນນະໂຍບາຍ “ຫັນເປັນຫຼາຍຮູບຫຼາຍແບບ ແລະ ຫຼາຍຝ່າຍ”, ເປີດກວ້າງການພົວພັນຄູ່ຮ່ວມມື ແລະ ດຶງດູດນັກລົງທຶນຕ່າງປະເທດ, ສົ່ງເສີມການຜະລິດພາຍໃນປະເທດ ແລະ ເພີ່ມແຫຼ່ງສະໜອງສິນຄ້າສົ່ງອອກ.

        ຫວຽດນາມ ໄດ້ສະແດງໃຫ້ເຫັນວ່າ ແມ່ນປະເທດທີ່ມີຄວາມຮັບຜິດຊອບ, ສະໜັບສະໜູບການແກ້ໄຂການປະທະກັນດ້ວຍອາວຸດໂດຍສັນຕິວິທີ ແລະ ອີງໃສ່ທັດສະນະຍຸດທະສາດ. ສິ່ງດັ່ງກ່າວ ໄດ້ສະແດງໃຫ້ເຫັນຢູ່ໃນທັດສະນະກ່ຽວກັບບັນຫາສະຖຽນລະພາບຢູ່ ອາບການິດສະຖານ.

        ນັກຂ່າວ VOV ປະຈຳ ລັດເຊຍ.