ສານສະແດງຄວາມຮັບຜິດຊອບ ແລະ ຄຸນຄ່າວັດທະນະທຳມະນຸດດ້ວຍພາລະໜ້າທີ່ທົ່ວໂລກ
ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ
(ພາບ: Reuter)
(vovworld) – ບົດກ່າວປາໄສຂອງທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ທີ່ວາລະປຶກສາຫາລືຂັ້ນສູງສະພາຄວາມໝັ້ນຄົງສະຫະປະຊາຊາດຊຸດທີ 68 ເມື່ອວັນທີ 28/9 ຜ່ານມາສືບຕໍ່ໄດ້ຮັບຄວາມເຫັນດີເຫັນພ້ອມຈາກປະຊາຊົນຫວຽດນາມ ທຸກຊັ້ນວັນນະ. ທ່ານພັນເອກ ຫວູຮົ່ງແຄງ, ສະຖາບັນຍຸດທະສາດປ້ອງກັນປະເທດ ຖືວ່າ: ຫວຽດນາມ ພ້ອມແລ້ວທີ່ເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ນີ້ແມ່ນຄວາມຮັບຜິດຊອບໃໝ່ຂອງກອງທັບປະຊາຊົນ ຫວຽດນາມ, ກອງທັບປະຕິວັດໂດຍພັກກອມມູນິດ ຫວຽດນາມ ແລະ ປະທານ ໂຮ່ຈີມິນ ກໍ່ຕັ້ງ, ສຶກສາ ແລະ ຝຶກຝົນຫຼໍ່ຫຼອມ. ເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ ແມ່ນກາລະໂອກາດເພື່ອໃຫ້ພະນັກງານ, ນັກຮົບກອງທັບປະຊາຊົນ ຫວຽດນາມສະແດງຄຸນນະທາດ ແລະ ຄວາມສາມາດຂອງຕົນ.
ກ່ຽວກັບບັນດາຜົນງານໃນການລົບລ້າງຄວາມອຶດຫິວ ຫລຸດຜ່ອນຄວາມທຸກຍາກຂອງ ຫວຽດນາມ ເຊິ່ງທ່ານນາຍົກລັດຖະມົນຕີ ຫງວຽນເຕີນຢູງ ໄດ້ສະເໜີທີ່ກອງປະຊຸມສະຫະປະຊາຊາດ, ນັກວິສາວະກອນ ມາຍເທ໋ຮ່າວ, ນັກວິຊາການກົມລ້ຽງສັດ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຖືວ່າ: ບັນດາມາດຕະການມະຫາພາກ, ບັນດາລາຍການແຫ່ງຊາດກ່ຽວກັບການລົບລ້າງຄວາມອຶດຫີວຫລຸດຜ່ອນຄວາມທຸກຍາກຂອງ ຫວຽດນາມ ໄດ້ ແລະ ພວມຮັບການຕີລາຄາສູງ ແລະ ຮຳ່ຮຽນເອົາບົດຮຽນຈາກປະຊາຄົມໂລກ. ທ່ານ ມາຍເທ໋ຮ່າວ ແບ່ງປັນວ່າ: ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ຝາກສານທີ່ຈະແຈ້ງເຖິງສະຫະປະຊາຊາດ, ສະແດງນ້ຳໃຈ, ທ່າທີຮັບຜິດຊອບ ແລະ ຄຸນຄ່າວັດທະນະທຳມະນຸດຂອງຊາດ, ປະຊາຊົນ ຫວຽດນາມ ທີ່ມີຕໍ່ພາລະໜ້າທີ່ທົ່ວໂລກ.