ຫວຽດນາມກະກຽມຈັດຕັ້ງIPUຄັ້ງທີ132ເປັນຢ່າງດີ
Thuy Van, VOV ປະຈຳປາຣີ -
ທ່ານເລຂາທິການໃຫຍ່ IPU (ກາງ) ສະແດງຄວາມປະທັບໃຈຕໍ່ວຽກງານກະກຽມ IPU 132 ຂອງ ຫວຽດນາມ
(vovworld) - ໃນຂອບເຂດການເຄື່ອນໄຫວຕ່າງໆຂອງກອງປະຊຸມໃຫຍ່ ລັດຖະສະພາລະຫວ່າງຊາດໂລກ IPU ຄັ້ງທີ 131 ຖືກດຳເນີນຢູ່ Geneve , ວັນທີ 16/10, ທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ ກ່າວຄຳເຫັນທີ່ວາລະອັດກອງປະຊຸມ ແລະ ໄດ້ເຊື້ອເຊີນບັນດາສະມາຊິກລັດຖະສະພາລະຫວ່າງຊາດມາຫວຽດນາມ ເຂົ້າຮ່ວມກອງປະຊຸມໃຫຍ່ລັດຖະສະພາລະຫວ່າງຊາດໂລກ IPU ຄັ້ງທີ 132 .
ກ່ອນໜ້ານັ້ນ, ວັນທີ 15/10, ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ເຮັດວຽກກັບທ່ານເລຂາໃຫຍ່ພັນທະມິດ ພ້ອມກັບຄະນະເລຂາກ່ຽວກັບວຽກງານກະກຽມໃຫ້ IPU ຄັ້ງທີ 132 ເຊິ່ງຈະດຳເນີນໃນເດືອນ 3 ຈະມາເຖິງຢູ່ຮ່າໂນ້ຍ. ທີ່ການພົບປະ, ທ່ານເຈິນວັນຮັ່ງ ຫົວໜ້າກຳມາທິການ ການຕ່າງປະເທດສະພາແຫ່ງຊາດຫວຽດນາມ ໄດ້ແຈ້ງໂດຍຫຍໍ້ວຽກງານຈັດຕັ້ງດ້ານພະລາທິການ, ກໍ່ຄືເນື້ອໃນຂອງ IPU ຄັ້ງທີ 132 ຢູ່ຫວຽດນາມ. ສ່ວນທ່ານເລຂາໃຫຍ່ IPU Martin Chungong ສະແດງຄວາມປະທັບໃຈຕໍ່ວຽກງານກະກຽມຈັດຕັ້ງ IPU ຄັ້ງທີ 132 ຂອງຫວຽດນາມ ແລະ ຢັ້ງຢືນວ່າ:
ຂ້າພະເຈົ້າເຫັນວ່າ: ຖ້າຫາກຈະຈັດຕັ້ງ IPU ຄັ້ງທີ 132 ໃນມື້ນີ້, ຫວຽດນາມກໍ່ພ້ອມແລ້ວທີ່ຈະປະຕິບັດໄດ້. ພວກຂ້າພະເຈົ້າມີຄວາມປະທັບໃຈທີ່ສຸດຕໍ່ການກະກຽມຢ່າງລະອຽດເຖິງຖອງຂອງປະເທດເຈົ້າພາບຫວຽດນາມ, ບໍ່ພຽງແຕ່ບັນດາບັນຫາພະລາທິການເທົ່ານັ້ນ, ຫາກບັນຫາເນື້ອໃນ, ຫົວຂໍ້ປຶກສາຫາລືອີກດ້ວຍ. IPUຄັ້ງນີ້ແມ່ນໂອກາດເພື່ອໃຫ້ປະເທດເຈົ້າພາບຫວຽດນາມ ແນະນຳບັນດາບາດກ້າວພັດທະນາໃໝ່ຢູ່ຫວຽດນາມ, ບັນດາບາດກ້າວໃນການເຄື່ອນໄຫວລັດຖະສະພາຢູ່ຫວຽດນາມ, ໃນການຊຸກຍູ້ປະຊາທິປະໄຕ ແລະ ບໍລິຫານຢູ່ສະພາແຫ່ງຊາດເຖິງບັນດາຜູ້ແທນສາກົນ.
Thuy Van, VOV ປະຈຳປາຣີ