ເມື່ອແລກປ່ຽນກ່ຽວກັບການຮ່ວມມືລະຫວ່າງສອງສະພາແຫ່ງຊາດ, ທ່ານຮອງປະທານສະພາແຫ່ງຊາດ ຟຸ່ງກວັກຫຽນ ຖືວ່າ: ສອງຝ່າຍຄວນເພີ່ມທະວີການພົວພັນແລກປ່ຽນ, ການຮ່ວມມື, ສະຫນັບສະຫນູນເຊິ່ງກັນ ແລະກັນ ທີ່ບັນດາເວທີປາໄສລັດຖະສະພາຫລາຍຝ່າຍ, ເພີ່ມທະວີການແລກປ່ຽນບົດຮຽນໃນການເຄື່ອນໄຫວນິຕິບັນຍັດ, ເສີມຂະຫຍາຍບົດບາດເປັນຂົວຕໍ່ຂອງສອງກຸ່ມສະມາຊິກລັດຖະສະພາມິດຕະພາບ ຕາມເນື້ອໃນຈິດໃຈຂໍ້ຕົກລົງຮ່ວມມືລະຫວ່າງສະພາແຫ່ງຊາດ.

ກ່ຽວກັບການລົງທຶນ, ຮ່ວມມືດ້ານເສດຖະກິດລະຫວ່າງສອງປະເທດ, ທ່ານຮອງປະທານສະພາແຫ່ງຊາດ ປາດຖະຫນາຢາກ ສເກົາຫລີ ສົ່ງເສີມບັນດາວິສາຫະກິດມາລົງທຶນຢູ່ຫວຽດນາມໃນບັນດາຂົງເຂດພັດທະນາພື້ນຖານໂຄງລ່າງ, ພະລັງງານຜະລິດຄືນໃຫມ່, ອຸດສາຫະກຳຫນູນຊ່ວຍ, ສະຫນອງບັນດາບ້ວງຊ່ວຍເຫລືອລ້າ ODA ໃຫ້ແກ່ຫວຽດນາມ.