(vovworld) – ໃນຂອບເຂດການເຄື່ອນໄຫວຕ່າງໆຢູ່ນອກກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດໂລກ (IPU) ຄັ້ງທີ 131, ຕອນບ່າຍວັນທີ 14/10 (ກົງກັບຕອນເຊົ້າວັນທີ 15/10 ຕາມເວລາ ຫວຍດນາມ), ທ່ານ ຫງວຽນແຫ້ງຟຸກ, ຫົວໜ້າຫ້ອງວ່າການສະພາແຫ່ງຊາດ ຫວຽດນາມ ມີການເຈລະຈາກັບປະທານ ແລະ ຄະນະປະຈຳການສະຫະສະມາຄົມບັນດາເລຂາທິການໃຫຍ່ລັດຖະສະພາ (ASGP). ທ່ານ ຫງວຽນແຫ້ງຟຸກ ໄດ້ສະເໜີຖືເອົາ “ລັກສະນະປະສິດທິຜົນຂອງຮູບແບບຊ່ວຍວຽກຂອງລັດຖະສະພາ” ແມ່ນໜຶ່ງໃນບັນດາຫົວຂໍ້ລວມຂອງກອງປະຊຸມ ASGP – 132 ຢູ່ຮ່າໂນ້ຍ ດ້ວຍຄວາມຫວັງຈະໄດ້ຮັບການສະໜັບສະໜູນ ແລະ ຮັບຮອງເອົາຈາກ ASGP ໃນກອງປະຊຸມປີນີ້. ຫົວຂໍ້ນີ້ຈະສ້າງກາລະໂອກາດໃຫ້ບັນດາສະມາຊິກແບ່ງປັນກ່ຽວກັບຮູບແບບຈັດຕັ້ງຂອງກົງຈັກຊ່ວຍວຽກປະຈຸບັນຢູ່ລັດຖະສະພາບັນດາປະເທດ, ພ້ອມທັງໄດ້ວາງອອກບັນດາບຸລິມະສິດ ແລະ ສິ່ງກີດຂວາງຂອງແຕ່ລະຮູບແບບເພື່ອຈາກນັ້ນກຳນົດບັນດາຄາດໝາຍສ້າງກົງຈັກຊ່ວຍວຽກເໝາະສົມທີ່ສຸດແນໃສ່ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງລັດຖະສະພາແຕ່ລະປະເທດ. ຄາດວ່າ, ຄະນະປະຈຳ ASGP ຈັດຕັ້ງກອງປະຊຸມຢ່າງເປັນທາງການໃນວັນທີ 16/10 ເພື່ອວາງອອກບັນດາຄຳປຶກສາສຳຄັນແນໃສ່ປະຕິບັດບັນດາຄາດໝາຍທີ່ IPU ໄດ້ວາງອອກ.