ຫວຽດນາມປາດຖະໜາຢາກເພີ່ມທະວີການພົວພັນມິດຕະພາບແລະການຮ່ວມມືຫຼາຍດ້ານກັບAlgeria
ແທ່ງຈູງ -
ນາຍົກລັດຖະມົນຕີ ຫງວຽນເຕີນຢູ້ງ ແລະ ປະທານາທິບໍດີ Abdellaziz
Bouteflika
(ພາບ: Đức Tám/TTXVN)
|
(vovworld) – ໃນຂອບເຂດການຢ້ຽມຢາມ Algeria ຢ່າງເປັນທາງການ, ຕອນບ່າຍວັນທີ 1/6 (ຕາມເວລາທ້ອງຖິ່ນ), ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ເຂົ້າຢ້ຽມຂ່ຳນັບທ່ານປະທານາທິບໍດີ Algeria Abdellaziz Bouteflika. ທ່ານນາຍົກລັດຖະມົນຕີ ຫງວຽນເຕີນຢູ້ງ ຢັ້ງຢືນວ່າ: ຫວຽດນາມ ຍາມໃດກໍ່ປາດຖະໜາຢາກປັບປຸງ, ເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ Algeria, ຖືນັ້ນແມ່ນບຸລິມະສິດໃນນະໂຍບາຍພົວພັນຕ່າງປະເທດຂອງ ຫວຽດນາມ.
ທ່ານປະທານາທິບໍດີ Bouteflika ຢັ້ງຢືນການພົວພັນລະຫວ່າງ 2 ປະເທດ ຫວຽດນາມ ແລະ Algeria ແມ່ນການພົວພັນມິດຕະພາບທີ່ເປັນມູນເຊື້ອອັນດີງາມເຊິ່ງທັງ 2 ຝ່າຍຄວນສືບຕໍ່ຮັກສາ ແລະ ພັດທະນາ. ທ່ານປະທານາທິບໍດີ Algeria ສະໜັບສະໜູນຫຼັກໝັ້ນຂອງ ຫວຽດນາມ ໃນການແກ້ໄຂບັນດາຄວາມຂັດແຍ້ງກັນຢູ່ທະເລຕາເວັນອອກໂດຍສັນຕິບົນພື້ນຖານເຄົາລົບກົດໝາຍສາກົນ, ຮັບປະກັນສັນຕິພາບ, ສະຖຽນລະພາບ, ຄວາມສະຫງົບ, ປອດໄພໃນການເດີນທະເລຢູ່ພາກພື້ນນີ້.
ກໍ່ໃນວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ພົບປະກັບຜູ້ຕາງໜ້າປະຊາຄົມຊາວ ຫວຽດນາມ ດຳລົງຊີວິດ, ເຮັດວຽກຢູ່ Algeria ກໍ່ຄືບັນດາພະນັກງານ, ລັດຖະກອນສະຖານທູດ ຫວຽດນາມ ປະຈຳ Algeria.
ແທ່ງຈູງ