ຫວຽດນາມເຂົ້າຮ່ວມການ ແຂ່ງຂັນສີມືແຮງງານ ໂລກປີ 2013 ຢູ່ ສ.ເຢຍລະມັນ
(ພາບປະກອບ:tcdn.gov.vn)
(vovworld)- ຕອນບ່າຍວັນທີ 24/6, ຢູ່ຮ່າໂນ້ຍ, ກະຊວງແຮງງານ, ທະຫານເສຍອົງຄະ ແລະ ສັງຄົມ ໄດ້ຈັດພິທີສົ່ງຄະນະຜູ້ມີສີມືຫວຽດນາມ 13 ຄົນໄປເຂົ້າຮ່ວມການແຂ່ງຂັນສີມືແຮງງານໂລກຄັ້ງທີ 42 ຊື່ງດຳເນີນໄປ ຢູ່ ສ.ເຢຍລະມັນ ແຕ່ວັນທີ 26/6-8/7. ການແຂ່ງຂັນຄັ້ງນີ້ ຈັດຕັ້ງການແຂ່ງຂັນໃນ 46 ວິຊາຊີບ ຂຶ້ນກັບ 6 ຂົງເຂດ ຂະແໜງການຄື: ອຸດສາຫະກຳກໍ່ສ້າງ, ປະດິດສ້າງສິລະປະ ແລະ ອາພອນສະໄໝ; ເຕັກໂນໂລຊີຂໍ້ມູນຂ່າວສານ ແລະ ສື່ສານ; ເຕັກໂນໂລຊີຜະລິດກົນຈັກ ແລະ ການຜະລິດ; ການບໍລິການສ່ວນບຸກຄົນ ແລະ ສັງຄົມ; Logistic ແລະ ຂົນສົ່ງ. ຄະນະຫວຽດນາມ ເຂົ້າຮ່ວມການແຂ່ງຂັນໃນ 12 ວິຊາຄື: ແຕ່ງກິນ, ການບໍລິການພັດທະຄານ, ເອເລກໂຕນິກ, ຊ່າງໄມ້; ທໍ່ນ້ຳ, ກໍ່ສ້າງ, ອອກແບບເວັບໄຊ, ມາດຕະການຊອບແວເຕັກໂນໂລຊີຂໍ້ມູນຂ່າວສານ, ໄຟຟ້າ, ເຕັກໂນໂລຊີອາພອນສະໄໝ ແລະ ເອເລກໂຕນິກ. ນີ້ເປັນຄັ້ງທຳອິດທີ່ຫວຽດນາມ ເຂົ້າຮ່ວມການແຂ່ງຂັນສີມືແຮງງານໂລກ. ຈຸດປະສົງຂອງຫວຽດນາມ ເມື່ອເຂົ້າຮ່ວມການແຂ່ງຂັນຄັ້ງນີ້ແມ່ນຢາກພົວພັນແລກປ່ຽນ, ຮ່ຳຮຽນເອົາບົດຮຽນ, ຮັດແໜ້ນນ້ຳໃຈສາມັກຄີ, ມິດຕະພາບ, ຍົກສູງຄວາມເຂົ້າອົກເຂົ້າໃຈຊື່ງກັນ ແລະ ກັນລະຫວ່າງບັນດາປະເທດເຂົ້າຮ່ວມ.