ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: TTXVN)

ວັນທີ 18 ມິຖຸນາ 2020, ເມື່ອຕອບຄຳຖາມຂອງນັກຂ່າວສະເໜີໃຫ້ຮູ້ກ່ຽວກັບຄວາມອາດສາມາດຂອງຫວຽດນາມໃນການເຊື່ອມຕໍ່ການເດີນທາງໄປມາກັບບັນດາປະເທດໃນສະພາບການຫວຽດນາມ ຄວບຄຸມ ໂລກລະບາດໄດ້ໃນເບື້ອງຕົ້ນ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມໃຫ້ຮູ້ວ່າ:

“ອີງໃສ່ສະພາບການ ແລະ ຄວາມຕ້ອງການຂອງສອງຝ່າຍ, ຫວຽດນາມພວມແລກປ່ຽນກັບບາງປະເທດຄື: ຈີນ, ສ.ເກົາຫຼີ, ຍີ່ປຸ່ນ ກ່ຽວກັບການເຊື່ອມຕໍ່ການເດີນທາງໄປມາຄືນໃໝ່ບົນພື້ນຖານຮັບປະກັນການປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດ ດ້ວຍບັນດາເງື່ອນໄຂຢ່າງລະອຽດ, ບໍ່ປະໃຫ້ໂລກລະບາດແຜ່ລາມ, ກ່ອນອື່ນໝົດ ແມ່ນສ້າງເງື່ອນໄຂສະດວກໃຫ້ແກ່ບັນດານັກຊ່ຽວຊານ, ນັກບໍລິຫານຄຸ້ມຄອງຂອງບັນດາປະເທດເຫຼົ່ານັ້ນກັບຄືນມາເຮັດວຽກຢູ່ຫວຽດນາມ ແລະ ນັກສຶກສາ, ຜູ້ອອກແຮງງານຫວຽດນາມໄປເຮັດວຽກ ແລະ ຝຶກງານຢູ່ບັນດາປະເທດດັ່ງກ່າວ”