ຫວຽດນາມແລະລາວຊຸກຍູ້ລາຍການສອນແລະຮຽນພາສາຫວຽດນາມຢູ່ລາວ
(ພາບປະກອບ)
(vovworld) - ຕອນບ່າຍວັນທີ 23/6, ຢູ່ນະຄອນຫຼວງວຽງຈັນ, ປະເທດລາວ, ຄະນະຊີ້ນຳແຜນງານຫວຽດນາມ - ລາວ, ສະຖາບັນວິທະຍາສາດການສຶກສາຫວຽດນາມ, ກະຊວງສຶກສາ ແລະ ບຳລຸງສ້າງຫວຽດນາມ ແລະ ຄະນະຮຽບຮຽງລາຍການສອນພາສາລາວ - ຫວຽດນາມ ຢູ່ໂຮງຮຽນ ຫງວຽນຢູ, ກະຊວງສຶກສາທິການ ແລະ ກິລາລາວ, ໄດ້ລົງນາມບົດບັນທຶກຊ່ວຍຈຳກ່ຽວກັບການຮ່ວມມືຜັນຂະຫຍາຍລາຍການສອນ ແລະ ຮຽນພາສາຫວຽດນາມ ຢູ່ບັນດາໂຮງຮຽນສາມັນໃນທົ່ວປະເທດລາວ. ຕາມນັ້ນ, ສະຖາບັນວິທະຍາສາດການສຶກສາຫວຽດນາມ ຜັນຂະຫຍາຍການຮຽບຮຽງລາຍການສອນພາສາຫວຽດນາມ ແລະ ປື້ມຫຼັກສູດຮຽນພາສາຫງຽດນາມ (ທົດລອງ) ແຕ່ ປ1 ເຖິງ ມ7 ແລະ ສອນທົດລອງ 2 ພາສາລາວ - ຫວຽດນາມ ໃນໂຮງຮຽນສາມັນຫງວຽນຢູ, ເລີ່ມຕົ້ນແຕ່ປີ 2016. ລາຍການນີ້ກໍ່ຈະສອນໃຫ້ນັກຮຽນສາມັນຢູ່ບັນດາໂຮງຮຽນຊາວຫວຽດນາມອາໄສຢູ່ລາວ ແລະ ບັນດາໂຮງຮຽນ ໂດຍຫວຽດນາມ ຊ່ວຍກໍ່ສ້າງໃນທົ່ວປະເທດລາວ.
ໝີບິ່ງ, ນັກຂ່າວ VOV ປະຈຳລາວ