(vovworld) - ພ້ອມກັບການຊຸດໂຊມ ຂອງບັນດາຕະຫຼາດທີ່ເປັນມູນເຊື້ອ, ຈຸດສຸມການຄ້າຫັນໄປສູ່ບັນດາຕະຫຼາດ ຫາກໍ່ພົ້ນເດັ່ນຂຶ້ນ, ດ້ວຍຄ່າແຮງງານຖືກ, ຄ່າເຊົ່າທີ່ດິນຕຳ່ ແລະ ມີຄວາມສະດວກໃນການສົ່ງອອກການຄ້າ, ຫວຽດນາມ ພວມກາຍເປັນສະຖານທີ່ລົງທຶນເຊິ່ງບັນດານັກທຸລະກິດ ຮົ່ງກົງ ພວມມຸ້ງໄປເຖິງ. ໜັງສືພິມ Skypost ຂອງ ຮົ່ງກົງ ສະບັບອອກວັນທີ 2/5 ໄດ້ຄັດສະເໜີຄຳເວົ້າຂອງທ່ານ Jonathan Choi, ປະທານກຸ່ມບໍລິສັດ Sunwah, ເຊິ່ງແມ່ນກຸ່ມບໍລິສັດທີ່ມີຫຼາຍປະສົບການໃນການດຳເນີນທຸລະກິດຢູ່ຕະຫຼາດ ອາຊີ ມາຫຼາຍປີຖືວ່າ: ຫວຽດນາມ ພວມ ມີເງື່ອນໄຂສະດວກຫຼາຍຢ່າງໃຫ້ແກ່ການເຄື່ອນໄຫວລົງທຶນຄື: ລັດຖະບານ ຫວຽດນາມ ຕັ້ງໜ້າດຶງດູດແຫຼ່ງທຶນຈາກຕ່າງປະເທດ, ລະບຽບການພາສີງ່າຍດ່າຍ, ລາຄາແຮງງານຕຳ່. ເຊື່ອໝັ້ນຕໍ່ອະນາຄົດແຫ່ງການລົງທຶນຢູ່ ຫວຽດນາມ, ທ່ານ Jonathan Choi ຢືນຢັນວ່າ: ປະຈຸບັນ, ເຖິງວ່າການລົງທຶນຂອງກຸ່ມບໍລິສັດ Sunwah ເຂົ້າ ຫວຽດນາມ ກວມເກືອບ 50% ຍອດເງິນລົງທຶນເຂົ້າບັນດາປະເທດ ອາຊີ ຕາເວັນອອກ ສ່ຽງໃຕ້, ກໍ່ຕາມແຕ່ໃນອະນາຄົດໃກ້ໆນີ້, ກຸ່ມບໍລິສັດນີ້ຍັງຄົງມີແຜນການເພີ່ມການລົງທຶນຢູ່ ຫວຽດນາມ.