ທ່ານຮອງນາຍົກລັດຖະມົນຕີ  ຫວຽດນາມ ເຈິ່ນລຶວກວາງ ພົບປະກັບທ່ານປະທານສະພາສູງ ເອຢິບ Abdel-Wahab Abdel-Razek

ທີ່ການພົບປະຢູ່ນະຄອນຫຼວງ ກາຍໂຣ, ທ່ານຮອງນາຍົກລັດຖະມົນຕີ ເຈິ່ນລຶວກວາງ ໄດ້ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນໃນຫຼາຍດ້ານລະຫວ່າງ ສອງປະເທດ, ສອງສະພາແຫ່ງຊາດ ຕາມທິດຮອບດ້ານ ແລະ ມີປະສິດທິຜົນ, ແທດຈິງ, ຫວັງວ່າສະພາສູງ ແລະ ສະພາຕ່ຳ ເອຢິບ ຈະສືບຕໍ່ສະໜັບສະໜູນ ແລະ ໃຫ້ບຸລິມະສິດເພີ່ມທະວີການພົວພັນຮ່ວມມືສອງຝ່າຍໃຫ້ຫຼາຍກ່ວາອີກໃນຫຼາຍຂົງເຂດ.

ທ່ານປະທານສະພາສູງ Abdel-Wahab Abdel-Razek ແລະ ທ່ານຮອງປະທານ ຜູ້ທີໜຶ່ງສະພາຕ່ຳ Ahmed Saad El-Din Mohamed Abd El-Rehim ໄດ້ຕີລາຄາສູງການຢ້ຽມຢາມຂອງທ່ານຮອງນາຍົກລັດຖະມົນຕີ ເຈິ່ນລຶວກວາງ, ທ່ານເຊື່ອໝັ້ນວ່າ ການຢ້ຽມຢາມນີ້ຈະປະກອບສ່ວນປັບປຸງການຮ່ວມມືສອງຝ່າຍລະຫວ່າງສອງປະເທດ.

ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ ເຈິ່ນລຶວກວາງ ໄດ້ໄປຢ້ຽມຢາມສຳນັກງານ ແລະ ເຮັດວຽກກັບທ່ານ ເລຂາທິການໃຫຍ່ ສະຫະພັນ ອາຣັບ Ahmed Aboul Gheit ແລະ ເຂົ້າຮ່ວມພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ເອຢິບ (1/9/1963 – 1/9/2023) ໂດຍສະຖານທູດ ຫວຽດນາມ ປະຈຳ ເອຢິບຈັດຂຶ້ນ.