(VOVWORLD) - ຕອນບ່າຍວັນທີ 19 ສິງຫາ, ກະຊວງສາທາລະນະສຸກໄດ້ແຈ້ງໃຫ້ຊາບວ່າ ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ຕື່ມອີກ 04 ຄົນ.
ໃນນັ້ນ, ມີ 2 ຄົນ ຢູ່ດ່າໜັງ, 01 ຄົນ ຢູ່ແຂວງກວ໋າງນາມ ແລະ 1 ຄົນຢູ່ແຂວງຫາຍເຢືອງ. ເປັນອັນວ່າ, ໄລ່ຮອດຈຸດເວລານີ້, ຫວຽດນາມ ມີຜູ້ຕິດເຊື້ອໂຄວິດ-19 ທັງໝົດ 993 ຄົນ.
ຕາມການລາຍງານຂອງອະນຸກໍາມະການປິ່ນປົວ ຄະນະຊີ້ນໍາແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ -19, ໃນວັນທີ 19 ສິງຫາ, ທົ່ວປະເທດມີ ຄົນເຈັບຕິດເຊື້ອທັງໝົດ 15 ຄົນ ໄດ້ຮັບການປິ່ນປົວຫາຍດີ, ຍົກຈໍານວນຜູ້ໄດ້ຮັບການປິ່ນປົວຫາຍດີຂຶ້ນເປັນ 535 ຄົນ ແລະ ມີຜູ້ເສຍຊີວິດ 25 ຄົນ.