(vovworld) - ຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໂດຍພົນໂທ ຫງວຽນຈິ໋ວິ້ງ, ຮອງລັດຖະມົນຕີກະຊວງປ້ອງກັນປະເທດນຳໜ້າ, ພວມມີໜ້າຢູ່ສ.ເກົາຫຼີ ເພື່ອເຂົ້າຮ່ວມການເຈລະຈາປ້ອງກັນຊາດ ເຊີອູນ ຄັ້ງທີ 2 ໃນລະຫວ່າງວັນທີ 11 – 13/11 ແລະ ການເຈລະຈາຍຸດທະສາດປ້ອງກັນຊາດຂັ້ນຮອງລັດຖະມົນຕີລະຫວ່າງຫວຽດນາມ - ສ.ເກົາຫຼີ ຄັ້ງທີ 2 ໃນລະຫວ່າງວັນທີ 13 – 15/11. ໃນການເຈລະຈາປ້ອງກັນຊາດ ເຊີອູນ ຄັ້ງທີ 2, ຄະນະຜູ້ແທນກະຊວງປ້ອງກັນປະເທດຫວຽດນາມ ໄດ້ເຂົ້າຮ່ວມບັນດາວາລະປຶກສາຫາລືກ່ຽວກັບຫົວຂໍ້ຕ່າງໆຄື: ຂໍ້ລິເລີມສັນຕິພາບ ແລະ ການຮ່ວມມືໃນພາກພື້ນອາຊີຕາເວັນອອກສ່ຽງເໜືອ ແລະ ຄວາມໝັ້ນຄົງຮອບດ້ານຢູ່ພາກພື້ນອາຊີ - ປາຊີຝີກ; ບໍ່ແຜ່ຂະຫຍາຍອາວຸດນິວເຄຼຍໃນທົ່ວໂລກ ແລະ ບົດບາດຂອງບັນດາປະເທດອາຊີ ປາຊີຝີກ; ບົດບາດຂອງການທະຫານໃນການຄຸ້ມຄອງອິນເຕີແນັດ; ກຳນົດທິດພັດທະນາໃຫ້ຫຼັກການສາກົນກ່ຽວກັບຄວາມປອດໄພທາງເຄືອຂ່າຍອີນເຕີແນັດ ແລະ ເປັນປະທານຮ່ວມກອງປະຊຸມດ້ວຍຫົວຂໍ້ວ່າ: ສ້າງແຜນການປ້ອງກັນຊາດໃນໄລຍະງົບປະມານຖືກຈຳກັດ.