ທ່ານປະທານສະພາແຫ່ງຊາດ ບັງກຣາເທດ Sharin Sharmin Chaudhury ແລະ ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ
|
(vovworld) – ຢູ່ນອກວາລະປະຊຸມຄົບຄະນະຂອງກອງປະຊຸມສະມັດຊາໃຫຍ່ສະຫະພັນລັດຖະສະພາສາກົນ (IPU) ຄັ້ງທີ 136, ຢູ່ Bhaka, ປະເທດ ບັງກຣາເທດ ໃນວັນທີ 3/4, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ມີການເຈລະຈາ 2 ຝ່າຍກັບປະທານສະພາແຫ່ງຊາດປະເທດເຈົ້າພາບ Sharin Sharmin Chaudhury, ທ່ານ Jiko Luveni ປະທານສະພາແຫ່ງຊາດ Fuji ແລະ ທ່ານ Irakli Kobakhidze ປະທານສະພາແຫ່ງຊາດ Gruzia.
ທີ່ການພົບປະທ່ານປະທານສະພາແຫ່ງຊາດ ບັງກຣາເທດ Sharin Sharmin Chaudhury, ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໋ອງ ເນັ້ນໜັກວ່າ ຫວຽດນາມ ຖືເປັນສຳຄັນ ແລະ ປາດຖະໜາຢາກພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີງາມກັບ ບັງກຣາເທດ ກ່ວາອີກ.
ທີ່ການພົບປະສອງຝ່າຍກັບທ່ານ Jiko Luveni ປະທານສະພາແຫ່ງຊາດ Fuji, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຢັ້ງຢືນນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ຖືເປັນສຳຄັນການພົວພັນມິດຕະພາບ ແລະ ການຮ່ວມມືຫຼາຍດ້ານກັບບັນດາປະເທດໃນພາກພື້ນ ອາຊີ - ປາຊີຟິກ, ໃນນັ້ນມີການພົວພັນກັບ Fuji.
ເມື່ອແລກປ່ຽນກັບທ່ານ Irakli Kobakhidze ປະທານສະພາແຫ່ງຊາດ Gruzia, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໄດ້ຊີ້ແຈ້ງແຜນນະໂຍບາຍຂອງ ຫວຽດນາມ ແມ່ນຮັກສາ ແລະ ພັດທະນາບັນດາການພົວພັນທີ່ເປັນມູນເຊື້ອ, ໃນນັ້ນມີການພົວພັນ ຫວຽດນາມ - Gruzia ແລະ ຫວຽດນາມ ປາດຖະໜາຢາກພັດທະນາການພົວພັນຮ່ວມມືຮອບດ້ານກັບ Gruzia, ພິເສດແມ່ນບັນດາຂົງເຂດເສດຖະກິດ, ການທ່ອງທ່ຽວ, ວັດທະນະທຳ, ການສຶກສາ…