ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ (ພາບ: TTXVN)

ເຂົ້າຮ່ວມວາລະປຶກສາຫາລືໃນວັນທີ 16 ມິຖຸນາ ກ່ຽວກັບບົດລາຍງານຂອງ ທ່ານເລຂາທິການໃຫຍ່ ສປຊ ກ່ຽວກັບບັນດາບັນຫາທີ່ກ່ຽວຂ້ອງເຖິງ ທະເລ ແລະ ມະຫາສະໝຸດ, ການເຄື່ອນໄຫວຂອງບັນດາອົງການ ສປຊ ແລະ ການຮ່ວມມືສາກົນໃນ 5 ປີຜ່ານມາ, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ຢັ້ງຢືນຄືນໃໝ່ວ່າ  UNCLOS ດ້ວຍບົດບາດ “ລັດຖະທຳມະນູນຂອງ ມະຫາສະໝຸດ”, ແມ່ນຂອບເຂດນິຕິກຳດັດປັບທຸກການເຄື່ອນໄຫວບົນທະເລ ແລະ ພື້ນຖານນິຕິກຳອັນໜຶ່ງດຽວເພື່ອກຳນົດ ຂອບເຂດສິດໄດ້ຊົມໃຊ້ເຂດທະເລຂອງບັນດາປະເທດຢ່າງຮອບດ້ານ, ຄວບຖ້ວນ

        ກ່ຽວກັບສະພາບການຢູ່ທະເລຕາເວັນອອກ, ທ່ານເອກອັກຄະລັດຖະທູດ ດັ້ງຮ່ວາງຢາງ ໄດ້ຢັ້ງຢືນເຖິງຄວາມສຳຄັນຂອງການປະຕິບັດຖະແຫຼງການ ອາຊຽນ - ຈີນກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ ປີ 2022 (DOC) ຢ່າງຄົບຖວ້ນ ແລະ ຮອບດ້ານ, ພ້ອມທັງຮຽກຮ້ອງໃຫ້ທຸກການຂັດແຍ້ງກັນຕ້ອງໄດ້ຮັບການແກ້ໄຂໂດຍສັນຕິວິທີ, ບົນພື້ນຖານເຄົາລົບກົດໝາຍສາກົນ, ເຄົາລົບບັນດາວິວັດຂະບວນການຕ່າງປະເທດ ແລະ ນິຕິກຳ, ບໍ່ນຳໃຊ້ອາວຸດ ຫຼືນາບຂູ່ນຳໃຊ້ອາວຸດ, ພ້ອມທັງ ແຈ້ງໃຫ້ຊາບກ່ຽວກັບບາດກ້າວທີ່ບັນລຸໄດ້ໃນການເຈລະຈາກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC)