ຫວຽດນາມ ເພີ່ມທະວີການຮ່ວມມືກັບ ເອີຣົບ ມຸ່ງໄປເຖິງເສດຖະກິດຂຽວ
(VOVWORLD) -ວັນທີ 11 ຕຸລາ, ຢູ່ຮ່າໂນ້ຍ, ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ກໍໄດ້ເຮັດວຽກກັບທ່ານ Alain Cany, ປະທານສະຫະສະມາຄົມວິສາຫະກິດ ເອີຣົບ (EuroCham), ທ່ານ Thomas Wiersing, ເລຂາທີໜຶ່ງ, ຜູ້ຕາງໜ້າ ຄະນະຜູ້ແທນ ສະຫະພາບເອີຣົບ (ອີຢູ) ປະຈຳ ຫວຽດນາມ ໂດຍຊົ່ວຄາວ.
 ທ່ານລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ເຮັດວຽກກັບທ່ານ Alain Cany, ປະທານສະຫະສະມາຄົມວິສາຫະກິດ ເອີຣົບ (ພາບ: baotainguyenmoitruong.vn) |
ນະທີ່ນີ້, ທ່ານລັດຖະມົນຕີ ເຈິ່ນຮົ່ງຮ່າ ຫວັງວ່າ ທ່ານ Alain Cany ແລະ ບັນດາປະເທດສະມາຊິກຂອງ EuroCham ຈະສືບຕໍ່ປະກອບຄຳຄິດຄຳເຫັນໃຫ້ແກ່ວິວັດທະນາການສ້າງລະບອບລະບຽບການນະໂຍບາຍກ່ຽວກັບຊັບພະຍາກອນທຳມະຊາດ ແລະ ສິ່ງແວດລ້ອມ, ສ່ອງແສງຄວາມຫຍຸ້ງຍາກ, ຂໍ້ຕິດຄັດຢ່າງທັນການໃນວິວັດການຜັນຂະຫຍາຍປະຕິບັດບັນດາໂຄງການທີ່ກ່ຽວຂ້ອງເຖິງການຫຼຸດຜ່ອນການປ່ອຍອາຍພິດເຮືອນແກ້ວ ແລະ ການຫັນປ່ຽນພະລັງງານຢູ່ ຫວຽດນາມ.
ສ່ວນທ່ານ Alain Cany ໃຫ້ຮູ້ວ່າ ພາຍຫຼັງກອງປະຊຸມ COP 26, Eurocham ໄດ້ສ້າງບັນດາໂຄງການເປົ້າໝາຍພັດທະນາ ແລະ ປະຕິບັດຄຳໝັ້ນສັນຍາຂອງຕົນຢ່າງແຮງ ໃນການຮ່ວມເດີນທາງພ້ອມກັບຄວາມມານະພະຍາຍາມຂອງລັດຖະບານ ຫວຽດນາມ ໃນການດັດປັບໂຄງສ້າງພື້ນຖານເສດຖະກິດຄືນໃໝ່ຕາມທິດສີຂຽວ.