(vovworld) – ພາຍຫຼັງບັນດາຄວາມມານະພະຍາຍາມລວມຂອງທັງ 2 ຝ່າຍ ໃນຕະຫຼອດຊຸມປີຜ່ານມາ, ວັນທີ 9/7, ຫວຽດນາມ ແລະ ລາວ ຈະຈັດຕັ້ງພິທີສະເຫຼີມສະຫຼອງຜົນສຳເລັດວຽກງານປັກຫຼັກໝາຍຊາຍແດນທາງບົກລະຫວ່າງ 2 ປະເທດ ແລະ ເປີດສະຫຼອງຫຼັກໝາຍສຸດທ້າຍ ເລກທີ 460 ຢູ່ດ່ານຊາຍແດນ ແທງຖູຍ, ແຂວງ ເງ້ອານ (ຫວຽດນາມ) ແລະ ນ້ຳອອນ, ແຂວງ ບໍລິຄຳໄຊ (ປະເທດລາວ). ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ແລະ ທ່ານນາຍົກລັດຖະມົນຕີ ລາວ ທອງສິງ ທຳມະວົງ ຈະເຂົ້າຮ່ວມພິທີ. ພິທີສະເຫຼີມສະຫຼອງຜົນສຳເລັດວຽກງານປັກຫຼັກໝາຍຖີ່ ແລະ ບູລະນະປະຕິສັງຂອນຫຼັກໝາຍຊາຍແດນ ຫວຽດນາມ - ລາວ ຢູ່ດານຊາຍແດນ ແທງຖູຍ - ນ້ຳອອນ ໃນວັນທີ 9/7 ແມ່ນເຫດການທີ່ມີຄວາມໝາຍໃຫຍ່ຫຼວງທີ່ສຸດສຳລັບປະຊາຊົນ 2 ປະເທດ, ສ້າງເງື່ອນໄຂອຳນວຍຄວາມສະດວກໃຫ້ແກ່ການກໍ່ສ້າງ ແລະ ພັດທະນາເສດຖະກິດ - ສັງຄົມເຂດຊາຍແດນ, ເພື່ອເສັ້ນຊາຍແດນສັນຕິພາບ, ມິດຕະພາບ, ຮ່ວມມືພ້ອມກັນພັດທະນາ.