ການຕ້ອນຮັບທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ອົດສະຕາລີ ປະຈຳ ຫວຽດນາມ Robyn Mudie (ພາບ: qdnd.vn)

ວັນທີ 24 ມິຖຸນາ, ຢູ່ຮ່າໂນ້ຍ, ໃນການຕ້ອນຮັບທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ອົດສະຕາລີ ປະຈຳ ຫວຽດນາມ Robyn Mudie ເຂົ້າຢ້ຽມອຳລາ ເນື່ອງໃນໂອກາດສິ້ນສຸດອາຍຸການປະຕິບັດງານທາງການທູດຢູ່ ຫວຽດນາມ, ທ່ານ ພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດ ຫວຽດນາມ ຕີລາຄາສູງຕໍ່ການປະກອບສ່ວນຂອງທ່ານ Robyn Mudie ໃນການຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ອົດສະຕາລີ ພັດທະນາໃນຫຼາຍຂົງເຂດ, ໃນນັ້ນມີການພົວພັນຮ່ວມມືດ້ານປ້ອງກັນຊາດ. ທ່ານພົນເອກ ຟານວັນຢາງ ໃຫ້ຮູ້ວ່າ ໃນໄລຍະຈະມາເຖິງ, ໄປຄຽງຄູ່ກັບການຮັກສາປະສິດທິຜົນຂອງເນື້ອໃນການຮ່ວມມືທີ່ມີຢູ່ແລ້ວນັ້ນ, ກະຊວງປ້ອງກັນປະເທດສອງປະເທດ ຄວນສືບຕໍ່ຄົ້ນຄວ້າເປີດກວ້າງການຮ່ວມມືໃນຂົງເຂດທີ່ມີຄວາມສາມາດບົ່ມຊ້ອນ.